Шэнген у Беларусі: дзе і як атрымаць без пасярэднікаў проста зараз

Пакуль гэта найлепшы варыянт. Паводле статыстыкі Італія цяпер у лідарах выдадзеных доўгатэрміновых турыстычных і гасцявых віз, пры гэтым адмоў усяго каля 1,5%.

Прычым Італія дае добрыя тэрміны турыстычных віз нават у чысты пашпарт. А калі вы наведвалі раней Італію і можаце гэта пацвердзіць (чэкі, транзакцыі, рэзерваванні), шанцы на атрыманне візы на 2 гады і болей значна павялічваюцца. 

Падацца можна праз амбасаду/візавы цэнтр Італіі ў Мінску. Візавы цэнтр выкідвае свабодныя даты па будных днях, а вось амбасада апошнія некалькі месяцаў дат на турызм не дае. Але маніторыць дакладна варта: магчыма, штосьці зменіцца з пачаткам сезона. 

Калі вы маеце блізкага сваяка з дазволам на жыхарства/ПМЖ/грамадзянствам або дзелавога партнёра ў Італіі, можна атрымаць гасцявую візу на запрашэнне. Для гэтага трэба будзе атрымаць запрашэнне для сябе (і кожнага сямейніка, калі гэта неабходна), а затым напісаць на электронную пошту амбасады [email protected] з просьбай выдзеліць дату для падачы дакументаў для адкрыцця гасцявой візы.

Тут спіс дакументаў і бланкі для падачы. Тэрміны разгляду дакументаў: 7-10 дзён.

Папулярнасцю не саступае Італіі, але шчадрэйшая на выдачу гасцявых, а не турыстычных віз (прычым часам нават на 5 гадоў — на запрашэнне сваякоў або сяброў/знаёмых). Тэрміны выдадзеных турыстычных віз куды сціплейшыя: трэба значна пастарацца, каб атрымаць неаднаразовую.

На жаль, у абодвух выпадках прыйдзецца доўга чакаць — вы толькі запаўняеце форму і адпраўляеце запыт на сайце, а дату ўжо прызначыць консульства рандамна ад чэрвеня да снежня. Напрыклад: калі вы запісаліся на падачу ў лютым 2023 года, дата падачы будзе не ранейшай за чэрвень 2023. Самім выбраць нават прыкладную дату падачы не атрымаецца, таму проста назапасьцеся цярпеннем.

Таксама ўлічвайце, што немцы любяць усе дакументы ў папяровым варыянце з перакладам на англійскую або нямецкую. 

Акрамя таго, будзьце гатовыя да невялікага сумоўя — як у візавым цэнтры, так і пасля па тэлефоне. Напрыклад, у многіх пытаюцца, якія візы былі дагэтуль і як іх выкарыстоўвалі. Падумайце загадзя пра гэта, калі не хочаце атрымаць адмову.

Амбасада Германіі ў Мінску таксама прадстаўляе Аўстрыю, Нідэрланды, Бельгію, Славенію, Люксембург. Дакументы для адкрыцця віз у гэтыя краіны можна падаць аналагічным спосабам на сайце амбасады.

Спіс дакументаў для турыстычнай візы можна знайсці тут, для гасцявой — тут. Тэрмін разгляду: у сярэднім да 14 дзён.

А цяпер пераходзім да складанейшых варыянтаў. Для атрымання іспанскага шэнгена прыйдзецца падаваць дакументы асабіста ў Маскве. Існуюць кампаніі, якія аказваюць паслугі трансферу ў расійскі візавы цэнтр. Неабходна толькі паклапаціцца, каб вы змаглі вярнуцца назад без пашпарта. Сам пашпарт вернецца да вас з дапамогай кур’ерскай дастаўкі.

Даты выкідваюць рандамныя на сайце візавага цэнтра Іспаніі, таму прыйдзецца яго маніторыць. Сам сайт часта глючыць праз павелічэнне попыту ў сезон адпачынку. Тэрміны віз не самыя радасныя: у сярэднім выходзіць 30 дзён, а гісторыі пра паўгода ў чысты пашпарт — практычна міф. 

Уважліва запаўняйце асабістыя даныя, так як любая памылка ў талоне прывядзе да даплат у візавым цэнтры. Таксама важна памятаць, што Іспанія павысіла патрабаванні па мінімальнай суме на кожны дзень знаходжання — гэта 108 еўра на чалавека (але мінімум 972 еўра). Сама выпіска абавязкова мае быць з адлюстраваннем руху сродкаў, даведкі пра астачу на рахунку будзе недастаткова. 

Поўны спіс дакументаў для падачы вы можаце знайсці тут. Тэрмін разгляду дакументаў: 7-14 дзён.

Краіна славіцца сваімі шматразовымі турыстычнымі візамі, але пад туры, а не пад самастойныя падарожжа. Выбарачна могуць даць візы на 1-2 гады пад аўтобусны тур. Для падачы вы можаце звярнуцца ў адну з акрэдытаваных турфірм, але з’ездзіць у тур вам усё роўна прыйдзецца, купіць яго фармальна не выйдзе.

Пры гэтым даступная магчымасць падавацца і самастойна, але неабходна пацверджанне аплачанага гатэля ў Венгрыі. Што тычыцца часу дзеяння віз у выпадку індывідуальнай падачы, то статыстыкі проста няма — да мая венгры давалі ўсяго 5-6 дат на месяц, так што рабіць высновы пакуль складана.

Праблем з датамі няма — іх выкідваюць у рандамны час на найбліжэйшыя дні, з набліжэннем летняга сезону лавіць іх стала нашмат прасцей (гэта можна зрабіць тут).

Дакументы для падачы глядзіце тут. Тэрміны разгляду дакументаў: 14 дзён, але можа быць трохі больш.

Таксама Венгрыя прымае дакументы для адкрыцця віз у Швейцарыю.

Новы сябра Еўрасаюза паказаў, што спадзявацца на іхнюю шчодрасць не варта. Ды што там шчодрасць, хоць бы свайго пашпарта назад дачакацца: тыя, хто падаваўся ў ліку першых у студзені, атрымалі свае пашпарты ў сакавіку з візамі пад паездку. Але дачакаліся гэтага шчаслівага моманту не ўсе — некаторыя пайшлі рабіць новыя ў пашпартны стол.

Рэкамендаваць для падачы на турыстычную візу Харватыю не станем, але, калі вы жадаеце зазнаць вострых адчуванняў — запісацца на падачу можна тут.

І для самых рашучых — спіс дакументаў. Тэрмін разгляду: ад нуля да бясконцасці.

На фоне Харватыі Грэцыя выглядае вельмі крутым варыянтам для адкрыцця хуткай візы. Але не шчодрая на доўгатэрміновыя візы. 85% — аднаразовыя візы пад паездку, але ў цяперашняй сітуацыі гэта ўжо добры вынік.

Падаць дакументы можна ў Мінску, Віцебску і Брэсце. Для запісу трэба зарэгістравацца на сайце візавага цэнтра Грэцыі. Запіс ужо вядзецца на чэрвень.

Рыхтуючы спіс дакументаў для падачы дакументаў, Грэцыя патрабуе аплачаныя рэзерваванні квіткоў, але пры наяўнасці аўтамабіля іх можна замяніць маршрутным лістом.

Тэрмін разгляду: да 21 дня, могуць разглядаць хутчэй.