Ад пачатку года на пажарах у Беларусі загінула больш за 450 чалавек

12 лістапада, Позірк. Ад пачатку 2026 года на пажарах у Беларусі загінула 452 чалавекі — на 4,6% больш, чым за аналагічны леташні перыяд (432), сведчыць абноўленая 12 лістапада зводка Міністэрства па надзвычайных сітуацыях.

За гэты час у краіне здарылася 5.728 пажараў (5.507; +4%), на якіх траўмавана 567 чалавек (518; +9,5%), выратавана — 463 (367; +26,7%).

За мінулыя дзяжурныя суткі (з 6:00 11 лістапада да 6:00 12 лістапада) ад агню ў Беларусі загінула два чалавекі — у Гродне (пажар у гаражы ў Ленінскім раёне абласнога цэнтра) і ва Ушацкім раёне (Віцебская вобласць).