Пасля аднадзённага перапынку мігранты працягнулі атакаваць мяжу Беларусі і ЕС
3 лістапада, Позірк. Пасля аднадзённага перапынку мігранты, якія прыбылі з трэціх краін у Беларусь, працягнулі атакаваць мяжу з Еўрасаюзам.
2 лістапада зафіксавана 20 спробаў яе парушэння, усе імкнуліся трапіць у Латвію.
Да паўзы 1 лістапада агульная мяжа Беларусі і ЕС цярпела штурмы 230 дзён запар (з 16 сакавіка), беларуска-латвійская — 221 дзень запар (з 25 сакавіка).
З пачатку года суседнія краіны ЕС зарэгістравалі амаль 15 тыс. спробаў парушэння мяжы з боку Беларусі.
Міграцыйны крызіс на мяжы Беларусі і краін ЕС працягваецца з вясны 2021 года. Улады суседніх еўрапейскіх дзяржаў лічаць яго “гібрыднай атакай”, арганізаванай рэжымамі ў Мінску і Маскве.
