У Літве за адну ноч перахоплена 9 партый кантрабандных цыгарэт, дастаўленых з Беларусі паветраным шляхам
9 кастрычніка, Позірк. У ноч на 8 кастрычніка ў Літве перахоплена 9 партый цыгарэт, дастаўленых з Беларусі на паветраных шарах, — усяго 55 тыс. пачкаў, паведамляе Служба аховы дзяржаўнай мяжы балтыйскай дзяржавы (САДМ).
Цыгарэты перахопленыя ў розных рэгіёнах Літвы: у Варэнскім райне (4 партыі), Кайшадорскім (3), Укмергскім (1) і Панявежскім (1).
Адзначаецца, што да ўсіх грузаў былі прымацаваныя GPS-трэкеры.
САДМ паведамляе, што матэрыялы па гэтых інцыдэнтах “будуць далучаныя да раней пачатых памежнікамі дасудовых расследаванняў па факце незаконнага абароту падакцызных тавараў”.
Паводле звестак памежнай службы, усяго сёлета перахоплена 166 грузаў з тытунёвымі вырабамі, якія перапраўляліся на паветраных шарах з Беларусі; у 2025-м было зафіксавана 635 такіх выпадкаў; у 2024-м — 226, у 2023-м — 3, у 2022-м выпадкаў кантрабанды на паветраных шарах не было.
