Абрынутымі праз непагадзь дрэвамі пашкоджана сама меней шэсць аўтамабіляў у Мінску і рэгіёнах

5 верасня, Позірк. На фоне непагадзі — навальніц, дажджоў і парывістага ветру — у Беларусі зафіксаваныя выпадкі падзення дрэў, вынікае з апублікаванага 5 верасня паведамлення Міністэрства па надзвычайных сітуацыях.

Паводле інфармацыі ведамства, у Мінску зарэгістраваныя два выпадкі падзення дрэў і адзін выпадак абрушэння часовых апор электракабелю. Адзначаецца, што работнікі МНС дапамаглі вызваліць ад іх два пашкоджаныя аўтамабілі і дарогу.

У Брэсцкай вобласці такія выпадкі зафіксаваныя ў Баранавіцкім раёне і Брэсце. У абласным цэнтры пашкоджаныя тры аўтамабілі.

У Віцебскай вобласці работнікі МНС шэсць разоў выязджалі на выклікі пра паваленыя дрэвы ў Аршанскім, Віцебскім, Чашніцкім і Докшыцкім раёнах (у апошнім пашкоджаны аўтамабіль).

Паведамляецца, што ў Мазыры (Гомельская вобласць) паваленае дрэва перагарадзіла рух у зав. Фабрычным.

Выпадкі падзення дрэў у Мінскай вобласці адбыліся ў Барысаўскім і Смалявіцкім раёнах.

Пацярпелых няма.