Беларусь на 6-м месцы на тэрыторыі былога СССР па росце спажывецкіх цэн у чэрвені, на 11-м — за першую палову 2026 года
21 ліпеня, Позірк. Беларусь з паказчыкам 2,89% заняла 11-е месца на тэрыторыі былога СССР па росце спажывецкіх цэн за першую палову 2026 года, сведчыць праведзены “Позіркам“ аналіз даных нацыянальных органаў статыстыкі.
У першай пяцёрцы Украіна (+5,7%), Кыргызстан (5,5%), Казахстан, Літва (па +5,1%) і Малдова (+4,80%). Менш, чым у Беларусі, цэны павялічыліся ў Азербайджане (+2,7%), Эстоніі (+2,6%) і Таджыкістане (на 2,4%).
У чэрвені хуткасць павелічэння спажывецкіх цэн у Беларусі (0,33%) была шостай пасля Расіі (+0,87%), Казахстана (+0,83%), Кыргызстана (+0,7%), Узбекістана (+0,61%) і Літвы (+0,5%).
Менш яны павялічыліся ў Грузіі (+0,1%), не змяніліся ў Латвіі, знізіліся ў Малдове, Таджыкістане (па -0,06%), Украіне (-0,1%), Азербайджане (-0,26%), Эстоніі (-0,5%) і Арменіі (-0,51%).
Для параўнання: у Польшчы цэны ў чэрвені знізіліся на 0,5%, з пачатку года — выраслі на 1,8%.
