У Аршанскім раёне з-за абвалу грунту загінуў рабочы

26 жніўня, Позірк. Аб гібелі рабочага пры ўстаноўцы і мантажы труб водаправода ў Аршанскім раёне (Віцебская вобласць) паведаміла прэс-служба Следчага камітэта.

Паводле папярэдніх звестак, днём 25 жніўня падчас правядзення земляных работ “адбыўся абвал грунту, і 37-гадовага мантажніка сантэхнічных сістэм, які знаходзіўся ў траншэі, засыпала зямлёй”. Ад атрыманых траўм мужчына загінуў.

На месцы здарэння працавала следча-аператыўная група. Аршанскім міжраённым аддзелам СК праводзіць праверку.

9 ліпеня ведамства паведамляла аб гібелі рабочага на прамысловай пляцоўцы ў Магілёве і дырэктара прыватнай будаўнічай арганізацыі ў Гродне пры правядзенні земляных работ.