У студзені — траўні 2026 года ВУП вырас на 0,9%

17 чэрвеня, Позірк. Валавы ўнутраны прадукт (ВУП) Беларусі ў студзені — траўні 2026 года павялічыўся на 0,9% у параўнанні з тым жа леташнім перыядам, паведамляе Нацыянальны статыстычны камітэт пасля першай ацэнкі паказчыка.

У бягучых цэнах ВУП склаў 118,6 млрд рублёў.

У студзені эканоміка скарацілася на 1,2% (23,3 млрд рублёў), студзені — лютым — на 1,2% (43,9 млрд), студзені — сакавіку — на 0,4% (68,2 млрд), студзені — красавіку — вырасла на 0,2% (94,5 млрд).

Такім чынам, паказчык дэманструе рост другі месяц запар.

Паводле найважнейшых эканамічных прагнозных (дэ-факта планавых) параметраў на 2026 год, валавы ўнутраны прадукт павінен павялічыцца на 2,8%.

Паводле звестак Белстата, аб’ём ВУП у 2025 годзе вырас на 1,3% (286,7 млрд рублёў) пры плане 4,1%.

Летась у студзені ВУП павялічыўся на 3,7% (20,5 млрд), студзені — лютым — на 3,1% (38,7 млрд), студзені — сакавіку — на 3,1% (59,4 млрд), студзені — красавіку — на 2,8% (81,4 млрд), студзені — траўні — на 2,5% (101,4 млрд), студзені — чэрвені — на 2,1% (129 млрд), студзені — ліпені — на 1,3% (155,2 млрд), студзені — жніўні — на 1,6% (180,1 млрд), студзені — верасні — на 1,6% (206,8 млрд), студзені — кастрычніку — на 1,5% (234,6 млрд), студзені — лістападзе — на 1,3% (258 млрд).

Па выніках 2024 года рост эканомікі склаўся на ўзроўні 4%, 2023-га — 3,9%. У 2022-м ВУП знізіўся на 4,7%, у 2021-м — вырас на 2,3%, у 2020-м — скараціўся на 0,9%.