Ціханоўская наведвае Новую Зеландыю і Аўстралію

2 лістапада, Позірк. Святлана Ціханоўская здзяйсняе першыя візіты ў Новую Зеландыю (3 лістапада) і Аўстралію (з 4 па 8 лістапада). Пра гэта паведаміў “Позірку” галоўны дарадца дэмакратычнага лідара Франак Вячорка.

Паводле яго слоў, у Велінгтоне Ціханоўская сустрэнецца з міністрам замежных спраў Уінстанам Пітэрсам і наведае Новазеландскі інстытут міжнародных спраў. Там яна выступіць з прамовай і адкажа на пытанні.

Анонс сустрэчы “Барацьба за дэмакратыю ў Беларусі” размешчаны на сайце інстытута. Ціханоўская прадстаўленая там як абраны прэзідэнт і кіраўнік Аб’яднанага пераходнага кабінета.

У Аўстраліі папярэдне запланаваныя перамовы з міністрам замежных спраў, спікерам нижняй палаты парламента, сустрэчы з амбасадарамі краін ЕС і G7, дыяспарай, выступленні ў ВНУ і недзяржаўных інстытуцыях.

Перад афіцыйным пачаткам візіту ў Новую Зеландыю Ціханоўская сустрэлася з беларускай дыяспарай.