15 праектаў айцішнікаў-беларусаў, у якіх усё атрымалася ў 2023

AI-праграма для дапамогі цяжарным жанчынам і бацькам. 

Стартап заснавала беларуска Наталля Міранчук. На пачатку гэтага года праект ацэньваўся ў 2 мільёны долараў. 

Увесну AI-праграма ўвайшла ў топ-10 найлепшых стартапаў на думку Thousand Faces. У верасні праект перамог у міжнародным конкурсе на Кіпры, атрымаў 15 тысяч еўра і магчымасць удзельнічаць у міжнароднай праграме ад Microsoft. У кастрычніку праграма Soula выйграла ў конкурсе стартапаў на Мальце і атрымала 80 тысяч долараў. 

У снежні Forbes уключыў Наталлю Міранчук у лік найлепшых прадпрымальніц тэхіндустрыі Кіпра.

Мабільная праграма, якая перадае гіперлакальны прагноз надвор’я (з фокусам на ападках) на аснове даных радараў з выкарыстаннем машыннага навучання. 

Заснавальнікі — вядомыя венчурныя інвестары Юрый Мельнічак і Аляксандр Мацвеенка.

У жніўні праект стаў прадуктам дня, трапіў у топ-3 прадуктаў тыдня на Product Hunt. Месячная аўдыторыя праграмы — 40-60 тысяч. Планы заснавальнікаў — мільярд карыстальнікаў з усяго свету.

Стартап прыцягнуў больш за 1,5 мільёна долараў, а польская юрыдычная асоба праекта Railbow Meteo Technologies атрымала фінансавую падтрымку ад Еўрапейскага банка рэканструкцыі і развіцця. Цяпер праект рыхтуецца да новага раўнда інвестыцый.

Перакладчык на нейронных сетках. Падтрымлівае 112 моў, дазваляе перакладаць тэкст, голас, выявы, вэб-сайты, дакументы і тэлефонныя званкі.

Заснавальнік стартапа — інжынер-праграміст з Наваполацка Аляксей Рудак. 

Увосень Lingvanex стаў убудаваным перакладчыкам старонак на 45+ мовах у браўзеры Opera для Android. Цяпер стартап разглядае магчымасць інтэгравацца з іншымі браўзерамі.

Амерыканскі стартап з беларускімі заснавальнікамі. 

Улетку паказаў функцыянальнае пашырэнне для бакавой панэлі Chrome. Яно забяспечвае хуткі доступ да 14-і прыкладанняў, аптымізаваных для бакавой панэлі браўзера: ChatGPT, Google Calendar, Keep, Tasks, Translator, Todoist, Grammarly, міні-гульні ды інш.

Manganum распрацоўваў уласную бакавую панэль ад пачатку 2021 года, калі ў Google яшчэ не было планаў развіцця ўласнага сайдбара. Таксама стартап працуе над даданнем Gmail і Google Drive.

Платформа для кіравання кампаніямі.

На пачатку 2023 года Fibery абвясціла аб прыцягненні $5,2 млн у раўндзе A. Усяго праект прыцягнуў ад моманту заснавання (2017 год) больш за $8 млн.

Цяпер Fibery выкарыстоўваюць 500+ кампаній, уключаючы Lemonade, Pinterest, NZX, Grundfos, Optiv і Plex. 

Праект створаны ў 2017 годзе ў Беларусі. CEO і кафаўндар кампаніі — Міхаіл Дубакоў. 

У 2021 годзе Дубакоў пераехаў на Кіпр (там цяпер штаб-кватэра), каманда таксама пакінула Беларусь, кампанія выйшла з ПВТ і пачала працэс ліквідацыі юрыдычнай асобы. 

Прадуктовая ІТ-кампанія, першы праект Міхаіла Дубакова. Флагманскі прадукт — сістэма кіравання аджайл-праектамі для буйных кампаній. 

У лютым 2021 года Targetprocess купіў Apptio — амерыканскі пастаўшчык рашэнняў у галіне кіравання тэхналагічным бізнэсам.

У жніўні гэтага года амерыканскую кампанію купіў IBM — адзін з найбуйнейшых у свеце вытворцаў і пастаўшчыкоў апаратнага і праграмнага забеспячэння. У выніку ўгоды Targetprocess стала часткай IBM.

Праграма/гульня, якая гейміфікуе сон і матывуе карыстальнікаў спаць больш і лепш. 

На пачатку года стартап прыцягнуў $3,5 млн. У App Store у праграмы рэйтынг 4,5, у Google Play — 5. 

Адзін з кафаўндараў Sleepagotchi Аляксей Караткоў — экс-CEO стартапа ў галіне машыннага навучання MakeML. У 2021 годзе Аляксей быў асуджаны на 2 гады калоніі за ўдзел у «масавых беспарадках». У 2022 годзе ён выйшаў на волю і пакінуў Беларусь. 

Віртуальны сэрвіс дыягностыкі скурных захворванняў на аснове AI з беларускімі каранямі. 

З дапамогай праграмы можна рабіць скрынінг скуры па фотаздымках і вызначаць тыпы і ўзроўні пагроз утварэнняў на скуры з дапамогай камп’ютарнага зроку і машыннага навучання. У AI-дэрматолага на сёння больш за 250 тысяч карыстальнікаў.

У кастрычніку Skinive абвясціў аб партнёрстве з італьянскім тэлемедыцынскіх сэрвісам DaVinci Salute. Кампанія дала сваю тэхналогію аналізу скурных захворванняў Skinive.Cloud для 700 тыс. пацыентаў і 2000 сямейных дактароў.

Таксама Skinive трапіў у топ-50 прэміі 4YFN Awards 2024. Гэта буйны конкурс лічбавых стартапаў, які пройдзе ў Барселоне.

Аналітычная платформа з функцыяй A/B тэсціравання старонак праграм у AppStore і Google Play. Рашэнні SplitMetrics дапамагаюць паблішарам павялічыць канверсію.

У лістападзе гэтага года набыла вядучую платформу для аптымізацыі крамаў праграм (ASO) і аналітыкі App Radar з кліенцкай базай 30 000+ распрацоўшчыкаў праграм і маркетолагаў. 

SplitMetrics заснавалі ў 2017 годзе Яўген Неўгень і Максім Камянкоў. У 2020 годзе пасля выбараў Максім Камянкоў з часткай каманды з’ехаў з Беларусі. На той момант у камандзе было 50 чалавек, цяпер — 160 (большасць у Польшчы). Кампанія кіруе гадавымі выдаткамі на рэкламу, якія перавышаюць 250 мільёнаў долараў. Сярод карыстальнікаў — Skyscanner, Glovo, Rakuten Viber.

Коўчынгавая платформа для тэхналагічных кампаній. Дапамагае павысіць прадукцыйнасць, уцягнутасць і лаяльнасць супрацоўнікаў.

У снежні стартап закрыў свой першы інвестыцыйны раўнд на 200 тысяч долараў. На працягу года каманда плануе выйсці на штомесячны даход у 100 тысяч долараў. 

CEO Elatra — Наталля Драгальчук, былая цімлід у RocketData (распрацоўшчык рашэнняў для кіравання інфармацыяй аб кампаніі ў інтэрнэце). Advisor праекта — Дар’я Данілава, экс-CEO RocketData.

Вясной 2021 года Дар’ю Данілаву затрымалі і асудзілі на год і чатыры месяцы калоніі агульнага рэжыму «за арганізацыю і падрыхтоўку дзеянняў, якія груба парушаюць грамадскі парадак». У красавіку 2022 года яна выйшла на волю і з’ехала з краіны. Увосень 2022 зарабіла «свой першы мільён» на частковым экзіце з RocketData.

AI-сэрвіс, дапамагае рэкруцёрам праводзіць гутаркі і генеруе падрабязны фідбэк пасля завяршэння інтэрв’ю. Таксама ў DeepMate ёсць функцыя self paced. Кожны спецыяліст можа пратэсціраваць свае навыкі з AI-інтэрв’юерам і атрымаць ацэнку сваіх ведаў. 

У ліпені гэтага года каманда выпусціла на рынак першую публічную версію прадукту. Таксама летам DeepMate закрыў першы інвестраўнд пры ацэнцы 1,2 мільёна долараў. Цяпер стартап збіраецца прыцягнуць 1 мільён долараў пры ацэнцы ў 5 мільёнаў долараў.

Геймдэў-студыя з беларускімі каранямі. 

Увосень гэтага года студыя атрымала $5 млн на распрацоўку сваіх будучых гульняў. У праект уклалася міжнародная кампанія GEM Capital, якая базуецца на Кіпры.

Цяпер студыя родам з Мінска займаецца рэтрафутурыстычным экшан-платформерам Replaced. У 2022-м яго рэліз быў перанесены праз пачатак вайны ва Украіне і вымушаную рэлакацыю каманды ў мэтах бяспекі. У верасні 2023 рэліз быў ссунуты на 2024 год праз складанасці распрацоўкі.

Беларускі ІТ-прадпрымальнік, венчурны інвестар. Працаваў у Google і Facebook. 

Венчурная кампанія Geek Ventures Ігара Маханька сёлета запусціла інвестфонд з капіталам 23 млн долараў. Фонд будзе інвеставаць у стартапы мігрантаў, якія пераязджаюць у ЗША. Таксама фонд інвестуе ў тэхналагічныя кампаніі на ранняй стадыі, ад ідэі да гадавога даходу ў 1,5 мільёна долараў.

AI-платформа для кінаіндустрыі. Дазваляе пры дапамозе тэхналогій нейронных сетак аўтаматызаваць працэс апрацоўкі сцэнара фільма.

Увесну 2023 кампанія прыцягнула 550 тысяч долараў ад пула інвестараў. Сярод іх — венчурная кампанія Geek Ventures беларускага ІТ-прадпрымальніка Ігара Маханька і беларускі стартап-хаб Imaguru. Інвестыцыі Filmustage планаваў выкарыстоўваць для прыцягнення новых карпаратыўных заказчыкаў, а таксама для запуску інтэграцый з некалькімі анлайн-маркетплэйсамі.

У снежні Filmustage намінавалі на брытанскую прэмію Makers and Shakers Awards у катэгорыі Production Tech Innovation of the Year.

Міжнародны гульнявы брэнд з беларускімі каранямі, заснаваны ў 2016 годзе ў партнёрстве з гейм-студыяй Vizor Games. Студыя мае чатыры рэгіянальныя офісы і 200+ супрацоўнікаў ва ўсім свеце.

Студыя распрацоўвае UFL — бясплатны футбольны сімулятар, які называюць канкурэнтам вядомага футбольнага сімулятара EA Sports FC. Распрацоўка доўжыцца ўжо сем гадоў. Дата рэлізу UFL яшчэ не зацверджаная. Гульня будзе даступная на кансолях PlayStation 5, Xbox Series X і S.

У снежні стала вядома, што распрацоўшчыкі UFL прыцягнулі інвестраўнд на $40 мільёнаў. У ліку інвестараў апынуўся вядомы партугальскі футбаліст Крышціяну Раналду.