Сума наяўных грошай у абароце за дзевяць месяцаў павялічылася на 3,5 млрд рублёў — Нацбанк
14 кастрычніка, Позірк. Сума наяўных грошай у абароце (агрэгат М0) на 1 кастрычніка 2026 года склала 17 млрд 986,3 млн рублёў, павялічыўшыся за месяц на 167,4 млн (на 1 верасня — 17 млрд 818,9 млн; +0,9%), з пачатку года — на 3 млрд 504,9 млн (на 1 студзеня — 14 млрд 481,4 млн; +24,2%), сведчаць звесткі Нацыянальнага банка.
Пераводныя дэпазіты за месяц павялічыліся на 5% (з 23 млрд 969,3 млн да 25 млрд 161,2 млн), з пачатку года — на 20,4% (на 1 студзеня было 20 млрд 890,1 млн).
Наяўныя грошы ў абароце і пераводныя дэпазіты ў нацыянальнай валюце (М1) за жнівень павялічыліся на 3,3% (з 41 млрд 788,3 млн да 43 млрд 147,5 млн). За дзевяць месяцаў сума вырасла на 7 млрд 775,9 млн рублёў (+22%) — на пачатак 2026 года гэты паказчык быў на ўзроўні 35 млрд 371,6 млн.
Грашовая маса ў нацыянальным вызначэнні (М2) вырасла з 75 млрд 642,5 млн да 77 млрд 543,5 млн (+2,5%), рублёвая грашовая маса (М2*) — з 79 млрд 71,5 млн да 80 млрд 920,4 млн (+2,3%); шырокая грашовая маса (М3) — са 116 млрд 8,4 млн да 117 млрд 692,8 млн (+1,5%).
Нацбанк пакінуў без зменаў на кастрычнік разліковыя велічыні стандартнай рызыкі, пасля зніжэння ў верасні. Для новых інвестыцыйных крэдытаў, прадастаўленых юрыдычным асобам (за выключэннем ільготных), яны зніжаныя з 10,69% да 10,45% (тут і далей гадавых), для новых крэдытаў, прадастаўленых юрыдычным асобам (за выключэннем ільготных, інвестыцыйных), — з 12% да 11,79%. Стаўкі для новых крэдытаў фізічным асобам (за выключэннем ільготных), зменшыліся з 17,83% да 17,65%, для новых тэрміновых безадзыўных банкаўскіх укладаў (дэпазітаў) фізічных асоб у рублях з тэрмінам вяртання ад года да трох гадоў — з 12,9% да 12,6%, для новых тэрміновых безадзыўных банкаўскіх укладаў (дэпазітаў) фізічных асоб у рублях з тэрмінам вяртання больш за тры гады — з 14,62% да 14,5%.
1 чэрвеня рэгулятар знізіў стаўку рэфінансавання з 9,75% да 9,25%.
За 2025 год агрэгат М0 вырас на 22,1% (за 2024-ы — на 25,1%, 2023-ы — 37,4%), М1 — на 20,4% (на 19,9% і 33,9% адпаведна), М2 — на 24,2% (на 34,3% і 29,8%), М2* — на 25,1% (на 28,6% і 34,7%), М3 — на 16,1% (на 17,3% і 23,6%).
