33-гадовы беларус затрыманы з наркотыкамі ў Польшчы

8 траўня, Позірк. Грамадзянін Беларусі затрыманы з наркотыкамі ў Беластоку (Польшча), паведамляе мясцовая паліцыя.

За захоўванне наркатычных сродкаў яму пагражае пакаранне да 3 гадоў пазбаўлення волі.

“Падчас праверкі дакументаў 33-гадовы мужчына сам паведаміў супрацоўнікам, што ў яго пры сабе ёсць наркотыкі. Падчас дагляду паліцэйскія выявілі ў кішэні яго шорт два пакуначкі: адзін з раслінным рэчывам, другі — з белым крышталічным субстратам”, — гаворыцца ў рэлізе.

Папярэдняя экспертыза паказала, што канфіскаваныя рэчывы — марыхуана і мефедрон. Мужчына паведаміў, што знайшоў наркотыкі “ў іншым раёне горада“, адзначае паліцыя.

Беларус таксама аштрафаваны за адсутнасць дакумента, які пацвярджае права на знаходжанне на тэрыторыі Польшчы.

У лютым за гандаль наркотыкамі ў складзе злачыннай групы ў Польшчы былі затрыманыя двое грамадзян Беларусі. Усяго па справе затрымана 12 чалавек, іх абвінавачваюць ва ўдзеле ў арганізаванай злачыннай групе, гандлі наркотыкамі і адмыванні грошай.

У тым жа месяцы паведамлялася аб затрыманні беларуса — кіроўцы грузавога аўтамабіля, у якім была выяўленая буйная партыя наркотыкаў (больш за 111 кг гашышу), коштам амаль 5,7 млн злотых (каля 1,6 млн долараў). Мужчыну можа пагражаць да 20 гадоў зняволення.

У сакавіку ў горадзе Ліпска (Мазавецкае ваяводства Польшчы) быў арыштаваны 46-гадовы грамадзянін Беларусі, у якога былі выяўленыя наркотыкі. Затрыманне адбылося падчас праверкі законнасці знаходжання грамадзяніна Беларусі ў Польшчы. Мужчыну прад’явілі абвінавачванне ў захоўванні наркотыкаў, і ён прызнаў сваю віну. Яму пагражае да трох гадоў турмы.