Ціханоўская выказала спачуванні ў сувязі са смерцю Алены Панковай, асуджанай за ўдзел у пратэстах
Алена Панкова
5 сакавіка, Позірк. Спачуванні ў сувязі са смерцю Алены Панковай выказала ў сваім тэлеграм-канале дэмакратычны лідар Святлана Ціханоўская.
“Вельмі балюча чытаць пра смерць Алены Панковай. Ёй было толькі 54”, — напісала палітык.
“Алена была асуджаная за ўдзел у пратэстах і адбывала “хатнюю хімію” (абмежаванне волі без накіравання ў папраўчую ўстанову адкрытага тыпу. — “Позірк”.): жыццё па жорсткім графіку і пад пастаянным кантролем. Часта на “хіміі” складана рабіць самыя простыя рэчы, у тым ліку клапаціцца пра сваё здароўе, бо нават для звычайнага візіту да лекара трэба прасіць дазвол і ўзгадняць кожны крок. Гэта цяжка ўявіць, але так выглядае штодзённасць людзей, якіх караюць за грамадзянскую пазіцыю”, — адзначыла Ціханоўская.
Спачуванні яна выказала блізкім памерлай і яе 18-гадоваму сыну.
Пра смерць Панковай — географа па адукацыі — паведаміла 4 сакавіка “Наша Ніва”. Паводле даных выдання жанчына памерла ў лютым 2026 года. Прычыны невядомыя.
Улетку 2025 года яна была асуджаная паводле арт. 342 Крымінальнага кодэкса (дзеянні, якія груба парушаюць грамадскі парадак).
5 верасня 2025 года была ўключаная МУС у спіс “асоб, якія маюць дачыненне да экстрэмісцкай дзейнасці”.
Памёр экс-палітвязень Дзяніс Сакалоўскі — Луцкіна
22 лютага, Позірк. Пра смерць былога палітвязня Дзяніса Сакалоўскага паведаміла 22 лютага былая зняволеная Ксенія Луцкіна. "Выдатны аператар, выдатны чалавек. Былы палітычны вязень, які ніколі ніколі нікому не скардзіўся", — напісала яна на сваёй старонцы ў "Фэйсбуку". Згодна са звесткамі …
