АПК заявіў аб стварэнні Фонда сацыяльнай падтрымкі беларусаў
26 студзеня, Позірк. Аб стварэнні Фонда сацыяльнай падтрымкі беларусаў паведаміў 26 студзеня кіраўнік апарата Аб’яднанага пераходнага кабінета (АПК) Валерый Мацкевіч, выступаючы на форуме “Беларусы годныя лепшага” ў Варшаве.
Паводле яго слоў, з дапамогай фонду АПК плануе стварыць “устойлівую сістэму дапамогі беларусам”.
“Фонд будзе працаваць па двух асноўных накірунках”, — адзначыў Мацкевіч. Першы кірунак, удакладніў ён, — гэта “экстраная дапамога”, якая тычыцца медыцыны і гуманітарнай падтрымкі.
Другім кірункам ён прадстаўнік кабінета назваў доўгатэрміновую працу.
“Гэта праграмы, якія будуць прадугледжваць адукацыю і дапамогу ў пошуку працы тым людзям, якія трапілі ў складаныя абставіны жыцця. Я думаю, ёсць людзі, якія пасля вымушанай эміграцыі сутыкаліся з такімі выклікамі”, — сказаў Мацкевіч.
Ён адзначыў, што досвед працы фонду “ляжа ў аснову новай сацыяльнай палітыкі беларуская дзяржавы”.
“Мы зможам выкарыстоўваць адпрацаваныя механізмы, якія будуць падрыхтаваныя працай гэтага фонда, каб аднавіць нашу краіну і абараніць кожнага яе грамадзяніна”, — падкрэсліў кіраўнік апарата АПК.
