У Грузіі за паўтара года сем беларускіх грамадзян скончылі жыццё самагубствам, у тым ліку 80-гадовая жанчына
16 студзеня, Позірк. Сем беларускіх грамадзян — пяць мужчын і дзве жанчыны — скончылі жыццё самагубствам са студзеня 2023 года да чэрвеня 2024-га, сведчыць праведзены “Позіркам“ аналіз звестак мясцовага МУС.
У 2023 годзе з дапамогай суіцыду сышлі з жыцця чатыры беларусы: мужчыны 27 і 31 года (абодва — у прычарнаморскім рэгіёне Аджарыя), жанчыны 27 і 80 гадоў (у Тбілісі і рэгіёне Самегрэла — Верхняя Сванетыя адпаведна). Акрамя таго, у Аджарыі паспрабавала пакончыць з сабой 25-гадовая грамадзянка Беларусі.
У першай палове 2024 года ў Аджарыі суіцыд здзейснілі 32-гадовы і два 23-гадовыя мужчыны.
