Кожнаму дзясятаму айцішніку замарозілі заробак — і не толькі ў Беларусі

Паўдзельнічалі 1500+ ІТ-спецыялістаў. Амаль палова — распрацоўшчыкі. 40% — мідлы, 34% — сеньёры. 47% спецыялістаў працуе ў аўтсорсе. 50% айцішнікаў працуюць у Беларусі.

Амаль палова спецыялістаў пазначыла, што ў іх кампаніях заробкі пераглядаюць раз на год. Гэта найпапулярнейшы адказ.

Кампаній, якія пераглядаюць заробкі на патрабаванне супрацоўнікаў, значна менш. Толькі каля 13% выбралі такі варыянт адказу. Столькі ж айцішнікаў паведамілі, што працадаўца пераглядае заробкі супрацоўнікаў двойчы на год. 

У абсалютнай меншасці апынуліся айцішнікі, якія працуюць у кампаніях, дзе заробкі пераглядаюць часцей за два разы на год. Такіх усяго 1,2%. 

Як часта пераглядаюць заробкі ў РБ ды іншых краінах

Сярод ІТ-спецыялістаў, якія працуюць у Беларусі, пра перагляд заробкаў раз на год паведамілі 46%. А больш за ўсё такіх рэспандэнтаў знайшлося сярод айцішнікаў у Літве — 59%.

У той жа час толькі 8% спецыялістаў з літоўскіх офісаў пазначылі, што ў іх кампаніях заробкі пераглядаюць два і больш разоў на год. Лідарамі ў адказах выявіліся айцішнікі з Беларусі — 15%+.

Амаль 200 удзельнікаў анкетавання (12,5%) заявілі, што ў іх кампаніях перагляд заробкаў замарожаны.

Часцей за іншых гэты варыянт адказу выбіралі айцішнікі мінскіх офісаў (16,5%).

Большасць кампаній замарозіла перагляд заробкаў на нявызначаны тэрмін. Так адказалі 36,5% рэспандэнтаў. Чвэрць айцішнікаў пазначылі, што перагляд заробкаў у іх кампаніях замарожаны адразу на год, менш за 5% паведамілі пра некалькі месяцаў.

Пацікавіліся ў спецыялістаў асноўнымі прычынамі замарозкі заробкаў.

Палова айцішнікаў расказалі, што гэта звязана з праблемамі з заказчыкамі / пошукамі новых праектаў. Большасць з іх працуе ў офісах у Беларусі.

На другім месцы ў топе асноўных праблем — падзенне выручкі, аптымізацыя выдаткаў. Так адказалі 45%. Амаль 60% з іх працуе ў офісах у Беларусі, каля 30% — у офісах у Польшчы.

Іншыя (не асноўныя) прычыны замарозкі заробкаў. 

• «Яшчэ не выйшлі на дакавідны ўзровень выручкі».
• «Матывацыя супрацоўнікаў да рэлакейту».
• «Мусяць быць грошы на чорны дзень».
• «Рэпутацыйныя рызыкі інвестыцый у „таксічны“ (РБ, РФ) рэгіён».

Таксама ў інсайд-полі айцішнікі расказалі падрабязней пра перагляд/неперагляд заробкаў у кампаніях.

• «Пры канцы верасня сказалі, што ў нас неўзабаве закрыццё фінансавага года і заробак падвысяць пасля. Закрыццё фінансавага года ў красавіку 2023». 
• «Чакаю рашэння пра перагляд, але гэта доўжыцца ад сярэдзіны вайны. Кампанія проста не адказвае. Так што шукаю іншае месца працы».
• «Працую ў буйной аўтсорсінгавай кампаніі. У маім дэпартаменце з пераглядам было прасцей да змены менеджменту. Цяпер павышаюць радзей».
• «Працую ў буйной кампаніі (500+ супрацоўнікаў) з офісамі ў Беларусі і еўрапейскіх краінах. Некаторыя супрацоўнікі з аддзелаў, што не прыносяць прыбытак, наўпрост паведамляюць, што пасля асэсменту перагляду заробкаў не было, хоць у цэлым перагляды ў кампаніі застаюцца. Пачынаючы ад восені-зімы 2022 пасля асэсментаў у супрацоўнікаў з фіксаваным заробкам яго забіраюць і пераводзяць на „гнуткі“ фармат аплаты ў адпаведнасці з адведзенымі гадзінамі».
• «Працадаўца абмежаваў павышэнні заробаў да +10%. Інфляцыю ігнаруе. Лічыць нармальным не падымаць заробак па годзе працы. Супрацоўнік можа працаваць некалькі гадоў з тым жа заробкам».
• «У кампаніі замарозілі перагляд заробкаў для беларускага офіса да канца 2023 года».
• «Канкрэтыкі з павышэннем заробкаў няма, праектаў у Беларусі мінімум. Праходзіць асэсмент на павышэнне — калі ласка. Але заробак будзе той жа».

Параўноўваем заробкі айцішнікаў у Беларусі, Польшчы, Літве ды іншых краінах

Па тэме

Параўноўваем заробкі айцішнікаў у Беларусі, Польшчы, Літве ды іншых краінах

«Адкладаем больш, ніж у Грузіі». Як айцішніку працуецца ў ААЭ

Па тэме

«Адкладаем больш, ніж у Грузіі». Як айцішніку працуецца ў ААЭ

Важны рэсёрч індустрыі-2022: тэхналогіі, грошы, (не) пераезд. Ананімна!

Па тэме

Важны рэсёрч індустрыі-2022: тэхналогіі, грошы, (не) пераезд. Ананімна!

Літоўскі Wargaming лідзіруе па заробках за снежань. Колькі плацяць у іншых офісах

Па тэме

Літоўскі Wargaming лідзіруе па заробках за снежань. Колькі плацяць у іншых офісах