Ці можа беларус узяць аўто ў лізінг у Польшчы? Варыянты ёсць

Чым адрозніваюцца проста leasing і leasing konsumencki?

Да 2011-га ў Польшчы лізінг маглі браць толькі людзі, якія вядуць прадпрымальніцкую дзейнасць. Але цяпер ёсць магчымасць аформіць і проста leasing (прадпрымальніцкі), і leasing konsumencki (для фізічных асоб, спажывецкі). 

Таксама варта адрозніваць фінансавы (finansowy) і аперацыйны (operacyjny) лізінг. Калі вельмі коратка, то ў выпадку фінансавага лізінгу кліент аўтаматычна становіцца ўладальнікам аўтамабіля пасля аплаты апошняга ўнёску. А з аперацыйным лізінгам для гэтага трэба зрабіць завяршальную выплату. Але ніхто не перашкаджае перадумаць і вярнуць аўто ў самым канцы выплат і ўзяць іншае. 

Ці можа беларус узяць аўто ў лізінг у Польшчы?

На паперы так. Але на практыцы кампаніі будуць глядзець, кім вы працуеце, па якім тыпе дамовы, колькі атрымліваеце і да т. п.

У чатах рэлакантаў пішуць, што адносна проста атрымаць лізінг на свой бізнэс/ІП. Аднак кампаніі з замежным капіталам часта ўспрымаюцца як тыя, што нясуць вышэйшую рызыку.

Таксама ў замежніка могуць запатрабаваць дадатковыя дакументы: выпіску з CEIDG, карту побыту ўладальніка бізнэсу (і лепш, каб тэрмін дазволу на жыхарства быў роўны або перавышаў тэрмін дзеяння лізінгавай дамовы). У некаторых выпадках плюсам на карысць замежніка будзе вышэйшы першапачатковы ўзнос. Але зноў жа, тут усё залежыць ад канкрэтных умоў або нават сустрэтага вам супрацоўніка фірмы.

Якія дакументы могуць спатрэбіцца пры лізінгу?

Зразумела, гэта прыкладны спіс, які можа мяняцца ў залежнасці ад абставін.

• Для фізічных асоб, якія не вядуць прадпрымальніцкай дзейнасці: пасведчанне асобы/карта побыту; даныя пра даходы; працоўная дамова; заява на ўкладанне дамовы лізінгу.
• Для фізічных асоб, якія вядуць бізнэс: усё тую ж заяву на лізінг; пасведчанне асобы ўпаўнаважанага чалавека; звесткі пра даходы / падаткаабкладанне / іншыя фінансавыя дакументы для ацэнкі фінансавых магчымасцяў бізнэсу; выпіска з рэестра CEIDG; статут (калі гэта spółka cywilna); сертыфікат REGON і нумар NIP.

Як беларуска аформіла лізінг аўто на ІП: асабісты досвед

— У чэрвені 2023-га аформіла лізінг на аўто ад Volkswagen Group. На той момант у мяне яшчэ не было ДНЖ, толькі віза, таму я вырашыла аформіць на ІП.

Прыйшла, выбрала машыну і сказала, што хачу ўзяць яе ў лізінг на JDG. Мне палічылі суму лізінгу, затым даслалі дакументы, якія трэба запоўніць. Там трэба было напісаць, колькі я зарабляю і г. д. 

Наступнага дня прыйшоў станоўчы адказ, і ўжо праз тыдзень я забрала машыну.

Першапачатковы ўзнос быў каля 40К злотых, сума крэдытавання — каля 200К злотых. Лізінг на 2 гады (працэнта ўжо не ўспомню), на месяц — каля 7К злотых, і пры канцы яшчэ будзе апошні плацеж прыкладна 40К. 

Важна: ад кожнага плацяжу на месяц я вяртаю палову VAT, то-бок 11,5%. Таму машынай я мушу карыстацца 5 гадоў і не прадаваць. У адваротным выпадку трэба будзе выплаціць ВАТ-ы, якія я вяртала.

«Варшава — Мінск здаровага чалавека, а ў Барселоне небяспечна». Беларус пра пераезд у Іспанію

Па тэме

«Варшава — Мінск здаровага чалавека, а ў Барселоне небяспечна». Беларус пра пераезд у Іспанію

Польшча не плануе закрываць уезд для аўто з беларускай рэгістрацыяй

Па тэме

Польшча не плануе закрываць уезд для аўто з беларускай рэгістрацыяй