Аддзел навін Беларусь-2023 5 красавіка 2023, 07:00

БДУІР-2023: паглядзелі, якім будзе набор сёлета

БДУІР агучыў план набору на першы курс. Паглядзелі, што змянілася ў параўнанні з 2022 годам.

Сёлета набор першакурснікаў у БДУІР змяніўся мінімальна. Усяго ВНУ плануе прыняць 2894 чалавекі. У 2022 годзе план набору складаў 2886 студэнтаў.

На бюджэтную форму навучання набор складае 1165 чалавек (у 2022 годзе — 1171), на платную форму навучання — 1729 чалавек (у 2022 годзе — 1715).

Што змянілася

На дзённую бюджэтную форму навучання сёлета БДУІР плануе прыняць 1105 студэнтаў (у 2022 годзе — 1103 студэнты).
Набор платнікаў на дзённую форму скараціўся на 4% — ад 1050 (у 2022) да 1009 чалавек.
Сёлета не будзе набору студэнтаў на дзённую бюджэтную скарочаную форму навучання. Летась было выдзелена 25 месцаў.
На завочную скарочаную форму навучання БДУІР плануе прыняць амаль на чвэрць больш студэнтаў, ніж летась. Для бюджэтнікаў выдзелена 25 месцаў (у 2022 годзе — 5 месцаў), для платнікаў 570 месцаў (у 2022 — 470 месцаў, або на 20% менш).
Агульная колькасць спецыяльнасцей (без уліку вайсковага факультэта) скарацілася амаль у два разы — ад 36 да 19.

Змены па факультэтах

Паглядзелі, як змяніўся набор на дзённую бюджэтную і платную формы навучання па факультэтах.

Факультэт камп’ютарных сістэм і сетак

Самы папулярны факультэт БДУІР прыме крыху менш студэнтаў на першы курс, ніж летась. Усяго выдзелена 465 месцаў, у 2022 годзе іх было 480.

Студэнты будуць навучацца трох спецыяльнасцях замест чатырох. Набор на спецыяльнасці для атрымання кваліфікацыі «інжынер-праграміст» не змяніўся ў параўнанні з мінулым годам (выдзелена 270 месцаў). У той жа час скарацілася колькасць платных месцаў (ад 115 да 100) для ахвотных навучацца спецыяльнасці «камп’ютарная інжынерыя», каб атрымаць кваліфікацыю «інжынер-сістэматэхнік».

Факультэт камп’ютарнага праектавання

Агульны набор — 390 студэнтаў (у 2022 — 390).

Колькасць спецыяльнасцей скарацілася ад 9 да 4.

Больш за ўсё месцаў выдзелена для ахвотных навучацца спецыяльнасці «электронныя сістэмы і тэхналогіі»: для бюджэтнікаў — 130 месцаў, для платнікаў — 50 месцаў.

Факультэт інфармацыйных тэхналогій і кіравання

Агульны набор — 435 студэнтаў (у 2022 — 435).

Колькасць спецыяльнасцей скарацілася ад 5 да 4.

Факультэт інфармацыйнай бяспекі (экс-факультэт інфакамунікацый)

Агульны набор — 235 студэнтаў (у 2022 — 240).

Колькасць спецыяльнасцей скарацілася ад 6 да 2.

Для бюджэтнікаў выдзелена 170 месцаў (у 2022 — 168), для платнікаў — 65 месцаў (у 2022 — 72).

Факультэт радыётэхнікі і электронікі

Агульны набор — 230 студэнтаў (у 2022 — 230).

Колькасць спецыяльнасцей скарацілася ад 8 да 4.

Інжынерна-эканамічны факультэт

Агульны набор — 354 студэнты (у 2022 — 378).

Колькасць спецыяльнасцей скарацілася ад 4 да 2.

Для бюджэтнікаў выдзелена 100 месцаў (у 2022 — 100), для платнікаў — 254 месцы (у 2022 — 278).

Вы выдаткавалі на гэты матэрыял дзве хвіліны. Выдаткуйце яшчэ 15 секунд, калі ласка.

dev.by, як і іншым сумленным медыя, сёння вельмі складана: рэдакцыя працуе па-за межамі краіны, а нашыя рэкламныя даходы скараціліся ў некалькі разоў.

Але мы даем рады — з вашай дапамогай. Гэта вы дзеліцеся з намі інфанагодамі, думкамі, досведам, часам і ўвагай. А 170 чытачоў падтрымліваюць нас данатамі. У 2023 годзе мы хочам сабраць 1000 чытачоў-падпісчыкаў.

Дапамагчы нам можна праз Patreon.

З Беларусі — праз Donorbox.

І яшчэ крыптой, тут гаманцы.

Дзякуй, што прачыталі гэтае паведамленне.