Як уладкаваная вышэйшая ІТ-адукацыя ў Польшчы. Спіс і рэйтынг ВНУ, як паступіць

Атрымаць вышэйшую ІТ-адукацую сёння можна ў 26 акадэмічных універсітэтах у Польшчы.

Навучальныя ступені ў польскай адукацыі

• бакалаўр (навучанне 3 гады),
• бакалаўр-інжынер (3,5 гады)
• магістр (1,5 або 2 гады).

Як праходзіць вучоба і з чаго складаецца

ІТ-адукацыя часцей за ўсё праходзіць на ўзроўні бакалаўра-інжынера.

• практыка — каля 50% вучэбнага часу;
• сістэма прамога супрацоўніцтва з ІТ-кампаніямі;
• шмат праграм абмену, самая вядомая Еrasmus+ (1-3 семестры ў краінах ЕС ды інш.);
• дыплом еўрапейскага ўзору;
• кошт на ІТ-спецыяльнасцях: ад 720 да 3000 еўра за першы год (I ступень); бясплатна — калі ёсць карта паляка або польская не ніжэйшая за С1.

З чаго складаецца:

1. Агульная праграма. Уключае ІТ і абарону 1Р, матаналіз, дыскрэтную матэматыку, імавернасныя метады і статыстыку, фізіку.
2. Спецыялізацыя на 3-5 семестрах навучання. Модуль мае выбраць дастатковая для фармавання групы колькасць студэнтаў.

Найпапулярнейшыя праграмы спецыялізацыі:

• мультымедыя (відэагульні, 3D-анімацыя);
• Web mining;
• аналітыка інфармацыйных сістэм;
• праграмаванне бізнэс-праграм;
• інжынерыя сістэм аналізу даных;
• інфармацыйныя сістэмы;
• ІТ-сеткі і бяспека ІТ-сістэм.

Прастора для выбару модульных прадметаў велізарная.

Якія дакументы патрэбныя для паступлення

Асаблівых правілаў паступлення менавіта на інфармацыйныя тэхналогіі няма. 

• Атэстат сярэдняй адукацыі. Можа спатрэбіцца апастыль.
• Запоўненая анкета ўніверсітэта. Можна спампаваць з сайта, часам запоўніць анлайн.
• Для навучання на англійскай — сертыфікат IELTS або TOEFL. На польскай — сертыфікат моўнай школы або дзяржэкзамену.
• Фота 3,5×4,5;
• Для непаўналетніх: апастыляванае пасведчанне аб нараджэнні, ксеракопіі пашпартоў бацькоў, дазвол ад бацькоў на выезд за мяжу, часам — звесткі пра апекуноў на тэрыторыі РП.
• У некаторых універсітэтах перад пачаткам навучальнага года (1 кастрычніка) ладзяць моўны інтэнсіў (выдадуць сертыфікат). Ёсць і гадавыя курсы для замежнікаў — «зеруўка».

Як паступіць у Польскі ўніверсітэт

Падача дакументаў звычайна да канца чэрвеня, у 10 чыслах ліпеня ўжо ёсць вынікі. У прыватных ВНУ прыёмная кампанія можа доўжыцца даўжэй.

1. Падаць дакументы.
2. Уступныя экзамены — на патрабаванне. Як правіла, ІТ-спецыяльнасцей гэта не тычыцца.
3. Матывацыйны ліст — таксама на патрабаванне. Ён часцяком неабходны будучым айцішнікаў пры паступленні ў магістратуру.
4. Атрымаць Zaswiadczenie o przyjeciu cudzoziemiec na studia. Гэты дакумент пацвярджае факт залічэння ва ўніверсітэт. Спатрэбіцца для афармлення візы або карты побыту.
5. Атрымаць візу. Done!

Як перавесціся ў польскі ўніверсітэт

Пераводы паміж ВНУ ў Польшчы практыкуюцца, таксама цалкам рэальна перавесціся з-за мяжы. Для гэтага спатрэбіцца:

• Знаць мову (гэта агульная ўмова і для паступлення, і для пераводу). Адпаведны сертыфікат.
• Выпіска адзнак з універсітэта. Абавязкова маюць быць пазначаныя ўсе прадметы, якія вывучаліся, і час на іх вывучэнне. Выпіска мае быць перакладзеная на польскую мову прысяжным перакладчыкам.

Перадаем дакументы ў абраны ўніверсітэт.

Калі адказ ВНУ станоўчы, то дадаткова спатрэбіцца віза, фатаграфіі, меддаведка.

Топ-10 універсітэтаў (2021) паводле версіі фонду «Perspektywy»

• Варшаўскі тэхналагічны;
• AGH Навукова-тэхнічны ім. Ст. Сташыца ў Кракаве;
• Уроцлаўскі ўніверсітэт навукі і тэхналогіі;
• Познаньскі тэхналагічны;
• Гданьскі тэхналагічны;
• Сілезскі тэхнічны;
• Тэхнічны ўніверсітэт Лодзі;
• Кракаўскі тэхналагічны ім. Касцюшкі;
• Польска-японская акадэмія ІТ у Варшаве;
• Люблінскі тэхнічны;
• 👩 🎓 🧑 🎓Поўны рэйтынг.

Карысныя спасылкі ад ВНУ

• Правілы паступлення (Познань);
• Прыклад анлайн-анкет для абітурыентаў (Уроцлаў);
• Прыклад моўных курсаў для замежнікаў (Уроцлаў); 
• Курсы польскай (Варшава);
• Прыклад інструкцыі па пераводзе ў польскую ВНУ (Шчэцін);
• Як атрымаць сацыяльную і рэктарскую стыпендыю ў Сілезскім універсітэце;
• Як атрымаць паперы пасля паступлення (Люблін);
• Як прайсці медагляд + карта ўстаноў (Люблін).