Як рынак ІТ-вакансій перажыў зіму. Новыя антырэкорды

Даўно мы не зазіралі ў статыстыку ІТ-вакансій Беларусі. А раптам на рынку нешта змянілася? 

Апошні раз мы звярталі ўвагу на ІТ-вакансіі на пачатку снежня — тады рынак усё яшчэ не мог намацаць дно. Азіраючыся назад, выяўляем, што па выніках снежня дно абнавілася: 3729 ІТ-вакансій — абсалютны антырэкорд за ўсю гісторыю назіранняў dev.by і мінус 70% да даваеннага студзеня 2022 года.

У студзені крывая вакансій прыпаднялася (+20% да правальнага снежня), аднак гэты трэнд выявіўся няўстойлівым, і ў лютым зноў здарылася падзенне. Лютаўскі вынік — 4232 актыўныя ІТ-вакансіі — гэта фактычна ўзровень лістапада 2022 года. Так што, вынесшы за дужкі святочны (і таму яшчэ суперпасіўны) снежань, канстатуем, што на рынку ІТ-вакансій у Беларусі без перамен.

У разрэзе ПВТ — аналагічныя тэндэнцыі, з той толькі розніцай, што ямкі на крывой вакансій у кампаніях-рэзідэнтах трохі глыбейшыя (у працэнтным выражэнні, не візуальна), а горкі трохі больш спадзістыя. Таму ў снежні ў ПВТ таксама гістарычны антырэкорд актыўных ІТ-вакансій — 868, у студзені — невялікі ўздым, а ў лютым зноў падзенне. Зафіксаваны вынік — 912 актыўных ІТ-вакансій у кампаніях-рэзідэнтах ПВТ — гэта нашмат горш за лістапад і ў 8 разоў горш за студзень 2022-га.

Зрэшты, параўноўваць цяперашнія лічбы з даваеннай адзнакай, здаецца, ужо не мае сэнсу. Новай планкай для параўнання можа стаць «1000 вакансій». У лістападзе іх было яшчэ больш за тысячу, апошнія тры месяцы — менш.

Падобную дынаміку дэманстравала актыўнасць кампаній. Снежань абнавіў дно — 1749 актыўных ІТ-кампаній (мінус 33% да студзеня 2022-га), студзень нядрэнна выправіў карціну, а люты зноў сапсаваў трэнд. Зрэшты, атрыманы вынік — 2006 актыўных кампаній у лютым — гэта больш, ніж у верасні. На цяперашні час цалкам пазітыўна.

Але не варта забывацца, што актыўныя кампаніі з ІТ-вакансіямі (як і самі ІТ-вакансіі) часта не маюць ніякага дачынення да ІТ-галіны. Пра рэальны стан рынку хутчэй кажа разрэз ПВТ. І вось тут статыстыка не дае падстаў для аптымізму.

Снежаньскі антырэкорд (248 актыўных кампаній) на пачатку года фактычна не выпраўлены, прырост актыўных кампаній (250 у студзені, 253 у лютым) больш падобны да статпагрэшнасці. Вось пра гэты ўзровень (а ў даваенным студзені актыўных было 444) і варта памятаць, ацэньваючы стан рынку ІТ.

Першая палова сакавіка дэманструе, што цуду ў гэтым месяцы не здарыцца. Прыкметнае падзенне актыўнасці на другім тыдні прарочыць як мінімум стагнацыю па выніках месяца.

У ПВТ традыцыйна падобны малюнак.

Такім чынам, зіма прайшла без сур’ёзных змен для рынку ІТ-вакансій у Беларусі. Гістарычнае дно ў снежні 2022-га стала вынікам святочнага гультайства на тле хранічнай дэпрэсіі. Студзень ненадоўга аднавіў статус кво, але дэпрэсія не прайшла, і не факт, што вясна ўзбадзёрыць рынак.

Вы дачыталі гэты матэрыял да канца. Калі вы тут апынуліся, значыць, хутчэй за ўсё, вас штосьці зачапіла. Выдаткуйце яшчэ 30 секунд, калі ласка.  

Беларускае ІТ нельга ўявіць без dev.by.

Мы ўжо амаль 15 гадоў робім важныя і сумленныя матэрыялы, дапамагаем кожнаму з вас дзяліцца прафесійным досведам і думкамі, робім беларускую версію. Мы радаваліся поспехам індустрыі разам, звярталі ўвагу на несправядлівасць, даем слова кожнаму.

Сёння рэдакцыя dev.by — каманда аддаленых беларусаў з 10 чалавек. Яшчэ ў нас ёсць менеджмент, бэкофіс і, вядома, тэхнічныя спецыялісты. У нас 600+ тысяч чытачоў штомесяц і дзясяткі тысяч у тэлеграм-каналах і сацыяльных сетках. Мы выпускаем 300+ навін і вялікіх тэкстаў, накшталт таго, што вы толькі што чыталі. Усе беларускія медыя цытуюць dev.by.

Ва ўсіх цёмныя часы. І мы ідзем праз ідэальны шторм разам з кам’юніці. Нашыя рэкламныя даходы, якія былі крыніцай фінансавання рэдакцыі, скараціліся ў некалькі разоў.

Пры гэтым мы ўпэўненыя, што тым больш важна працягваць заставацца месцам сустрэчы беларускай ІТ-супольнасці — усіх, хто застаецца і з’язджае.

Вы можаце нам дапамагчы. Пры канцы мінулага года мы запусцілі падпісную кампанію — пачалі збіраць данаты ад чытачоў. Мы хочам у 2023 сабраць 1000 чытачоў-падпісчыкаў. Цяпер іх 170.

Дапамагчы нам можна праз Patreon. Цяпер сярэдні чэк — каля 10$, але мы радыя любой суме. Штомесячныя плацяжы робяць нашыя планы больш прадказальнымі, але вы самі глядзіце, як вам зручна :) 

У Беларусі Patreon заблакаваны. Мы будзем дадаваць іншыя спосабы.

Дзякуй, што прачыталі гэтае паведамленне.

Распрацоўшчыкі бегаюць за рэкруцёрамі. Як айцішнікі сумовяцца ў Беларусі

Па тэме

Распрацоўшчыкі бегаюць за рэкруцёрамі. Як айцішнікі сумовяцца ў Беларусі