Айцішнікам усё часцей замарожваюць заробкі ў 2023

Паўдзельнічалі 1050 ІТ-спецыялістаў. 50% айцішнікаў працуюць у Беларусі. Амаль палова — распрацоўшчыкі. 43% спецыялістаў працуюць у аўтсорсе, траціна — у прадуктовых кампаніях. 25%+ рэспандэнтаў — супрацоўнікі буйных кампаній (1000+ чалавек).

Як змяніўся заробак за 6 месяцаў і чаму

Не змяніўся

У паловы рэспандэнтаў заробак за апошнія паўгода ніяк не змяніўся.

Вырас

У 38,5% спецыялістаў заробак вырас, у асноўным на 10-20%.

Для 30 рэспандэнтаў (2,8%) мінулыя паўгода выявіліся найбольш эфектыўнымі: іх заробак павялічыўся ў 2-3+ разы. Большасць атрымлівае ад 2 тысяч долараў (нета). Максімальны заробак сярод гэтай катэгорыі рэспандэнтаў — 20 тысяч долараў (нета). Столькі атрымлівае распрацоўшчык, які працуе ў замежнай кампаніі ў ААЭ. Таксама ў гэтай групе спецыялісты, якія працуюць у Беларусі, Польшчы, Літве, Іспаніі, Грузіі, Вялікабрытаніі.

У большасці рэспандэнтаў заробак вырас пасля планавага перагляду. Таксама ў топ-3 асноўных прычын — «працаўладкаванне ў іншую кампанію пасля звальнення», «перагляд заробку ў сувязі з пераходам на новую пазіцыю».

Іншыя прычыны росту заробку:

• выплата прэміі/рэлакейт-бонусу;
• рэлакейт з павышэннем заробку;
• новыя заказчыкі/праекты на фрылансе;
• завяршэнне выпрабавальнага тэрміну;
• перагляд у сувязі з інфляцыяй у Польшчы, змяненне курса долара ў Польшчы;
• нізкія падаткі.

Упаў

Між тым у 8% рэспандэнтаў (каля 90 чалавек) заробак за паўгода ў пераліку на долары ўпаў. 

Асноўная прычына — курсавыя розніцы. У прыватнасці, на гэта пазначылі рэспандэнты, якія працуюць у Беларусі і атрымліваюць заробак у рублях без прывязкі да валюты. Таксама праз курсавыя розніцы ўпаў заробак спецыялістаў, якія працуюць у Польшчы і атрымліваюць заробак у злотых у прывязцы да долара. 

На другім месцы ў топе асноўных прычын падзення заробкаў — рост падаткаў і іншых выплат у новай лакацыі пасля пераезду з Беларусі, на трэцім — праблемы з пошукам працы на той жа або большы заробак пасля звальнення.

Як часта пераглядаюць заробкі ў кампаніях

Большасць спецыялістаў (амаль 47%) пазначылі, што ў іх кампаніях заробкі пераглядаюць раз на год. 

Два разы на год пераглядаюць заробак толькі 10% рэспандэнтаў, часцей за два разы на год — 0,8%.

Пры гэтым ёсць кампаніі, дзе заробкаў наогул не пераглядаюць. Сярод удзельнікаў анкетавання знайшлося 5% супрацоўнікаў такіх кампаній. Большасць працуе ў Беларусі. Таксама ёсць спецыялісты з Польшчы, Грузіі, Турцыі, Кіпра. 

11% рэспандэнтаў працуюць у кампаніях, дзе заробкі пераглядаюць на патрабаванне супрацоўніка. 

Ва ўмовах нестабільнага попыту на ІТ-паслугі шматлікія кампаніі замарожваюць перагляд заробкаў.

50% спецыялістаў, якія паведамілі аб замарозцы перагляду заробкаў, працуюць у Беларусі, 30% — у Польшчы, 8% — у Грузіі. Таксама сярод іх ёсць спецыялісты, якія працуюць у Літве, Партугаліі, ЗША, Турцыі, Казахстане, на Кіпры. 

У асноўным кампаніі замарозілі перагляд заробкаў на нявызначаны тэрмін (на гэта паказалі 54,5%). 

ІТ-спецыялісты назвалі тры ключавыя прычыны замарозкі заробкаў.

1. Праблемы з заказчыкам/праектамі.
2. Вонкавыя фактары.
3. Падзенне выручкі і аптымізацыя выдаткаў.

Таксама ў інсайд-полі айцішнікі падзяліліся падрабязнасцямі аб пераглядзе/непераглядзе заробкаў у кампаніях.

• «У кампаніі заробак пераглядаюць, толькі калі прыходзіш з оферам. Прычым знаю выпадкі, калі заробак павялічылі на 30%, хоць нам і кажуць, што грошай няма».
• «Абарот праектаў у кампаніі не змяніўся. У Грузіі самы вялікі працэнт загружаных супрацоўнікаў. У Беларусі знізілі заробак амаль усім. У іншых лакацыях замарозка. У Польшчы пры гэтым ідзе хайрынг. Парадокс».
• «Кампанія хоча рэзаць заробак тым, хто працуе па „ўмове, а працы“. Але правільнай юрыдычнай прычыны пакуль не знайшлі».
• «Перагляд заробкаў замарожаны. Заробак быў за два праекты, цяпер застаўся адзін».
• «Усіх супрацоўнікаў у Беларусі на бэнчы вымушаюць звальняцца, пераводзячы на 0,1 стаўкі».
• «Усё проста: кампанія — жмінда».
• «У кампаніі не так даўно былі скарачэнні, звольнілі 20% каманды. Афіцыйна можна запытаць падвышэнне заробку, але негалосна гэта непажадана, бо ў кампаніі няма для гэтага рэсурсаў. Сумна, але падобныя паводзіны дыктуе бягучы рынак. Выснова: чакаць адлігі (невядома калі) або рызыкнуць і памяняць працадаўцу».
• «Кампанія зрэзала заробкі ўсім супрацоўнікам, хто перавёўся ў польскі офіс. Пры гэтым праца аддаленая. Заробкі панізілі па-рознаму, мінімум на 200 долараў». 
• «Кампанія трымае на бэнчы траціну аддзела, пры гэтым супрацоўнікам, рэальна занятым на праектах, не падымае заробку, спасылаючыся на цяжкія часы, сусветны крызіс і нежаданне заказчыка падняць рэйт».

dev.by, як і іншым сумленным медыя, сёння вельмі складана: рэдакцыя працуе па-за межамі краіны, а нашыя рэкламныя даходы скараціліся ў некалькі разоў. Але мы даем рады — з вашай дапамогай. Гэта вы дзеліцеся з намі інфанагодамі, думкамі, досведам, часам і ўвагай. А 210 чытачоў падтрымліваюць нас данатамі.

У 2023 годзе мы хочам сабраць 1000 чытачоў-падпісчыкаў. 

Дапамагчы нам можна праз Patreon. 

З Беларусі — праз Donorbox.

І яшчэ крыптой, тут гаманцы.

Дзякуй, што прачыталі гэтае паведамленне.