Мінэканомікі: ІТ аднаўляецца ўжо чацвёрты месяц. Ці так гэта?

ВУП

Беларуская эканоміка сёлета расце пасля правальнага 2022 — па выніках 10 месяцаў — плюс 3,8%. Рост мог быць большым, але гэтаму перашкодзіў якраз ІКТ-сектар. З асноўных відаў дзейнасці менавіта «інфармацыя і сувязь» больш за ўсіх працягвае цягнуць эканоміку ўніз. Па выніках студзеня-кастрычніка ўклад ІТ і сувязі з дынаміку ВУП — мінус 1%.

Тым не менш ІКТ-сектар застаецца асноўным «тормазам», які стрымлівае рост эканомікі.  

Акрамя таго, за апошнія чатыры месяцы ўпала доля ІТ і сувязі ў ВУП. Калі па выніках студзеня-чэрвеня доля была 4,8%, то па выніках студзеня-кастрычніка — ужо 4,4%. 

Што праўда, нязначна знізілася хуткасць падзення валавой дадатковай вартасці ІКТ-сектара (розніца паміж выдаткамі на вытворчасць і канчатковым коштам прадукту — заўв. dev.by).

У студзені–чэрвені — мінус 17,3%, у студзені–кастрычніку — мінус 14,9%. Але гэта ўсё роўна шмат, і па тэмпе падзення валавой дадатковай вартасці ІКТ — на першым месцы сярод асноўных галін, якія ўплываюць на ВУП. 

Фінансавыя паказчыкі ІКТ

Выручка

За студзень–верасень ІТ-кампаніі (разам з сувяззю) атрымалі больш за 8 млрд рублёў выручкі — на 5% менш, ніж за такі ж перыяд 2020 года.

Па выніках шасці месяцаў сітуацыя з выручкай была горшай — мінус 8% да такога ж перыяду мінулага года. Тым не менш «інфармацыя і сувязь» застаецца адзіным відам дзейнасці, дзе выручка сёлета меншая, ніж летась.

Рэнтабельнасць

Сектар «інфармацыя і сувязь» яшчэ летам выпаў з топ-3 самых эфектыўных у беларускай эканоміцы. Па выніках 9 месяцаў рэнтабельнасць продажаў у ІТ і сувязі ўпала да 17,9% (па выніках паўгоддзя рэнтабельнасць была крыху вышэйшая — 18%). Сярод топ-5 самых эфектыўных відаў дзейнасці рэнтабельнасць за 9 месяцаў знізілася толькі ў «інфармацыі і сувязі».

Прыбытак і страты

За студзень–верасень кампаніі «інфармацыі і сувязі» атрымалі больш за 1,3 мільярда рублёў чыстага прыбытку — на 22,4% больш, ніж за такі ж перыяд мінулага года. Пры гэтым за апошнія месяцы тэмп росту прыбытку ўпаў. Для параўнання: па выніках першага паўгоддзя чысты прыбытак вырас адносна аналагічнага перыяду мінулага года на 23,6%. Акрамя таго, верагодна, чысты прыбытак расце ў асноўным за кошт прадпрыемстваў сувязі. 

А вось страты ў ІКТ зніжаюцца. За дзевяць месяцаў кампаніі атрымалі 41 мільён рублёў страт — на 106 мільёнаў менш, ніж за такі ж перыяд мінулага года, і на 7 мільёнаў рублёў менш, ніж за шэсць месяцаў гэтага года.

Сярэдні заробак

Сярэдні заробак у ІТ у рублях апошнія месяцы расце на фоне росту курса асноўных валют. У верасні заробак упершыню сёлета перавысіў планку 7 тысяч рублёў. У кастрычніку яна вырасла да кастрычніка мінулага года на 22% да 6,9 тысячы рублёў.

Але калі глядзець за дынамікай заробкаў у валюце (у пераліку на долары па курсе Нацбанка), то мы ўбачым зваротную тэндэнцыю. Сярэдні заробак упаў і апошнія тры месяцы знаходзіцца на мінімальным узроўні сёлета. Больш за тое, у кастрычніку заробак упершыню за доўгі час апусціўся ніжэй за парог 2,1 тысячы долараў.

dev.by, як і іншым сумленным медыя, сёння вельмі складана: рэдакцыя працуе па-за межамі краіны, а нашыя рэкламныя даходы скараціліся ў некалькі разоў. Але мы даем рады — з вашай дапамогай. Гэта вы дзеліцеся з намі інфанагодамі, думкамі, досведам, часам, увагай і данатамі.

Праз Patreon. 

З Беларусі — праз Donorbox.

І яшчэ крыптой, тут кашалькі.

Дзякуй, што прачыталі гэтае паведамленне.