EPAM споўнілася 30 гадоў

Кампанія была створаная ў кастрычніку 1993 года. Да юбілею кіраўнік кампаніі Аркадзь Добкін напісаў пост пра стварэнне паспяховага бізнэсу. 

«Час ад часу хтосьці пытаецца мяне, як пачаць паспяховы бізнэс. Яны думаюць, што я ведаю. І, насамрэч, я нават не ўпэўнены, што такое «паспяховы» бізнэс… Улічваючы часавы аспект… І, у асаблівасці, часавы аспект апошніх некалькіх гадоў. Сёння паспяховы. Заўтра — не…

Але нядаўна мне нагадалі, што калісьці я ведаў, як пачаць нешта накшталт EPAM. Прыкладна месяц таму адзін з супрацоўнікаў нашай юрыдычнай каманды знайшоў тэчку ў адной з архіўных «юрыдычных скрынак», якую я выпусціў з-пад увагі шмат гадоў таму.

У гэтай тэчцы быў аднастаронкавы дакумент, які дакладна тлумачыў, як гэта зрабіць. Так што калі хочаце, вы зможаце папросту ўзнавіць гэта.

Узяць у мясцовай бібліятэцы… ўзор пагаднення аб партнёрстве, напісаць сваё імя і імя (імёны) вашага партнёра (аў)… і ўключыць суму, якую вы можаце дазволіць унесці…

Пасля гэтага ў вас ёсць яшчэ адная простая задача — знайсці тых самых правільных людзей і пераканаць іх далучыцца да вас. Зноў і зноў, і зноў, і зноў», — напісаў Аркадзь Добкін.

Аднастаронкавы дакумент, які згадаў Аркадзь Добкін, — гэта партнёрскае пагадненне з сузаснавальнікам Леанідам Лознерам наконт стварэння EPAM. Гэта першы дакумент пра стварэнне кампаніі. 

Паводле пагаднення кожны з партнёраў уклаў у кампанію па адным долары. Цяпер рынкавая капіталізацыя EPAM перавышае 13 мільярдаў долараў. А на канец 2021 года яна была яшчэ вышэйшай — 30+ мільярдаў долараў.

«У гэты дзень, роўна праз 30 гадоў пасля таго, як мне ўдалося запоўніць гэтую старонку, я хацеў бы, зноў і зноў, сказаць дзякуй усім тым правільным людзям, якія сапраўды ператварылі гэтую „адную старонку“ ў EPAM!», — адзначыў Аркадзь Добкін. 

EPAM цяпер

У кампаніі, паводле апошніх звестак, працуе больш за 55 тысяч супрацоўнікаў.

Да 2022 года самы буйны офіс EPAM быў у Беларусі — там працавала 10 000+ спецыялістаў. За мінулы год беларуская каманда скарацілася больш як у два разы — да 5000+ чалавек. Шмат у чым гэта звязана з рэлакацыяй супрацоўнікаў праз вайну ва Украіне і наступствамі санкцый у дачыненні да Беларусі. Пры гэтым Аркадзь Добкін неаднаразова адзначаў, што кампанія не плануе закрываць бізнэс і сыходзіць з Беларусі.

Самы буйны офіс EPAM на сёння ва Украіне. На канец мінулага года там працавала 10 500 вытворчых спецыялістаў. У топ-3 таксама трапляе  Польшча (7000+) і Індыя (5000+). У топе больш няма Расіі. Кампанія сышла з расійскага рынку і прадала свае актывы.

Па выніках мінулага года EPAM атрымаў рэкордную за ўвесь час выручку — 4,82 мільярда долараў. За шэсць месяцаў гэтага года выручка кампаніі перавысіла 2,3 мільярда долараў (нязначны рост адносна першага паўгоддзя 2022 года). Па выніках года кампанія чакае выручку ў межах 4,65-4,7 мільярда долараў — на 125 мільёнаў долараў менш, ніж у 2022 годзе. Чысты прыбытак EPAM склаў за першае паўгоддзе 222,3 мільёна долараў — у 2 разы больш у параўнанні з першым паўгоддзем 2022.

Актывы EPAM у Беларусі: мінус $20 млн за два з паловай гады

Па тэме

Актывы EPAM у Беларусі: мінус $20 млн за два з паловай гады

У EPAM з’явіўся новы буйны акцыянер з ЗША

Па тэме

У EPAM з’явіўся новы буйны акцыянер з ЗША

EPAM зноў першы па падатках у літоўскім ІТ. Яны выраслі 4Х (у Wargaming таксама)

Па тэме

EPAM зноў першы па падатках у літоўскім ІТ. Яны выраслі 4Х (у Wargaming таксама)

EPAM скараціўся. Вытворчых супрацоўнікаў ужо менш за 50 тысяч

Па тэме

EPAM скараціўся. Вытворчых супрацоўнікаў ужо менш за 50 тысяч

EPAM чакае падзення выручкі ў 2023 на фоне крызісу. Прыбытак расце

Па тэме

EPAM чакае падзення выручкі ў 2023 на фоне крызісу. Прыбытак расце

EPAM объявила, что в Беларуси у них теперь 10 000 сотрудников. Публикуем по случаю самые важные даты и факты про компанию + архивные фотографии

По теме

EPAM объявила, что в Беларуси у них теперь 10 000 сотрудников. Публикуем по случаю самые важные даты и факты про компанию + архивные фотографии