Айцішнік уладкаваўся ў польскую кампанію і паспеў прадаць машыну — але адмова. Прыклад візавага рандаму пасля скасавання PBH

— Я захацеў змяніць лакацыю і працу — сысці з аўтсорсу ў прадуктовую кампанію. У Беларусі не знайшоў для сябе прыдатнай працы. Але знайшоў прыдатную вакансію ў буйной польскай прадуктовай ІТ-кампаніі, у якой шмат офісаў ва ўсім свеце, уключаючы ЗША.

Прычына адмовы — стандартная, як ва ўсіх. «Ёсць абгрунтаваныя сумневы наконт дакладнасці зробленых вамі заяў пра мэту вашага знаходжання на тэрыторыі Польшча ў сувязі з наяўнымі доказамі або аб’ектыўнымі абставінамі, якія паказваюць на тое, што мэта паездкі можа быць іншай, чым было заяўлена».

Падрыхтаваў апеляцыю. Але ў першы раз яе падача скончылася тым, што мне сказалі дадаць у пакет дакументаў суправаджальны ліст ад кампаніі. Падрыхтаваў новую апеляцыю з дадатковым support letter ад польскай кампаніі, дзе пазначана, што я каштоўны супрацоўнік, мяне чакаюць у кампаніі.

Апеляцыю меўся падаць 10 мая. Прыехаў загадзя — за 30 мін да пачатку прыёму. Прачакаў 45 хвілін, пасля чаго выйшаў нейкі чалавек і сказаў, што прыйшло занадта мала людзей, «таму прыёму не будзе, прыязджайце ў панядзелак». У чарзе на гэты момант было чалавек 10.

У панядзелак 13 мая гісторыя паўтарылася. «Сёння не працуем, прыходзьце ў сераду 15 мая». Хочуць працуюць, хочуць не. Хоць шмат людзей у чарзе на падачу апеляцыі.

У кампаніі мяне чакаюць ад 6 мая і ўжо некалькі разоў пераносілі дату старту. Спачатку на два тыдні, потым яшчэ на чатыры тыдні.

Новая дата старту — 17 чэрвеня, калі дадуць візу.

Дзеля пераезду ў Польшчу я прадаў машыну, пра што шкадую. Меркаваў, што з атрыманнем візы ўсё будзе складана, але не чакаў, што настолькі.

Акрамя Польшчы, пакуль няма іншых варыянтаў. Працаваць хачу ў прадуктовай кампаніі (web або mobile) альбо ў аўтсорсе з прадуктовай мадэллю ўзаемадзеяння з заказчыкам (каб было дэліверы прадукту, а не тупы продаж людзей). Чаканні ў заробку ў польскай лакацыі ад 30 тысяч злотых грос.

Чаму хачу ў прадукт? Таму што аўтсорс у Беларусі — гэта адсутнасць выбару праектаў, калі ёсць білабл пазіцыя, то радуйся.

Аўтсорс [у рэзюмэ] у Еўропе цягне татальную дыскрымінацыю з боку прадуктовых кампаній. Пастаянныя адмовы з трактоўкамі а-ля «ў вас няма product mindset», «мы не набіраем людзей з аўтсорсу» і гэтак далей. 

Погляд пагардлівы, бо яны — прадукт, а я — аўтсорс. Выключэнне — такія кампаніі, як Amazon, Google, яны такім у Еўропе не займаюцца. Для ўсіх астатніх гэта стандартная практыка. Таму хацеў бы перайсці ў прадуктовую кампанію, каб пазбавіцца ад кляйма «аўтсорс».

Калі з Польшчай не атрымаецца, паспрабую застацца ў цяперашняй кампаніі, панізіўшы патрабаванні да пазіцыі. Калі што, магу пісаць код. А далей буду разглядаць іншыя краіны для пераезду, але якія, пакуль не ведаю.

Скасаванне PBH

Пры канцы студзеня гэтага года польскае МЗС вырашыла прыпыніць праграму Poland. Business Harbour — як мінімум «да прыняцця рашэнняў, якія гарантуюць належную праверку кампаній і замежнікаў, што з’яўляюцца бенефіцыярамі». Паводле ацэнкі МЗС, праграма Poland. Business Harbour не апраўдала ўскладзеных на яе спадзеваў.

Эксперты называюць гэта наступствам «візавага скандалу», праз які пастрожыліся праверкі прэтэндэнтаў і павялічылася колькасць адмоў. 

Вопыт айцішнікаў у атрыманні працоўнай візы

Вось гісторыі некаторых чытачоў, якія звярталіся па працоўную візу напярэдадні і пасля скасавання праграмы РВН.

«Дапамагатары лавілі месца два тыдні»

— «Першапачаткова планаваў пераехаць па PBH візе, аплаціў паслугі дапамагатараў, атрымаў запрашэнне ад іх жа. Праз 10 працоўных дзён, у дзень, калі абвясцілі аб заканчэнні праграмы РВН, я атрымаў адмову. Пасля гэтага вырашыў падацца на польскую працоўную. Два тыдні дапамагатары лавілі месца: за гэта я заплаціў яшчэ 600 рублёў, не лічачы ўсялякіх страховак і ўнёскаў ВЦ. 

Потым мне давялося ехаць з Мінска ў Горадню, каб падаць дакументы. Запрашэнне атрымаў ад інкубатара WeExpert, звяртаўся туды сам. Праз 5 працоўных дзён я атрымаў візу, планую пераезд праз два тыдні».

«Аддаў 330 рублёў»

— «Хацеў зрабіць другую візу PBH, у выніку падаўся на працоўную візу, чакаю выніку. У мяне ёсць працадаўца, ад лютага я аформлены ў інкубатары па першай візе. Тыдні тры я чакаў запрашэнне ад інкубатара, потым дзён 10 спрабаваў запісацца на падачу. 

У выніку аддаў дапамагатарам 330 рублёў — і слот знайшоўся за 3 дні. Але мой удзел у працэсе таксама спатрэбіўся: трэба было прайсці рэгістрацыю ў сістэме МСІ (запоўніць 2 палі, атрымаць смс з кодам, атрымаць код пацверджання для ВЦ — ён дзейнічае гадзіну, потым зноў трэба атрымліваць новы)».

«Адмоў — 10%»

— «Адмоў амаль не было па PBH да студзеня гэтага года, а цяпер каля 10% нашых супрацоўнікаў атрымліваюць адмову ў працоўнай. Паводле назіранняў, ставяць іх зусім рандамна. Калі нават пасля апеляцыі не даюць візы, пераязджайце па любой візе, у ідэале — з якой можна атрымаць дазвол на працу. Потым — тэрміновая падача на ДНЖ».

Калі вы таксама атрымалі адмову ў працоўнай візе з незразумелых прычын, напішыце нам у бот, гэта ананімна.

«Отказы — рандомные». Как сделать польскую рабочую визу и ВНЖ с ней

По теме

«Отказы — рандомные». Как сделать польскую рабочую визу и ВНЖ с ней

PBH не апраўдала спадзеваў — чыіх? Разбор пра самую вялікую рэлакейт-праграму

Па тэме

PBH не апраўдала спадзеваў — чыіх? Разбор пра самую вялікую рэлакейт-праграму

«Свядомы эмігрант 2016». +1 гісторыя з парадамі пра Польшчу

Па тэме

«Свядомы эмігрант 2016». +1 гісторыя з парадамі пра Польшчу

Візавыя цэнтры Польшчы змянілі правілы верыфікацыі для беларусаў

Па тэме

Візавыя цэнтры Польшчы змянілі правілы верыфікацыі для беларусаў

У Польшчы правяраюць ІТ-кампаніі праз скандал PBH. Відаць, пераехала больш айцішнікаў, чым налічылі памежнікі

Па тэме

У Польшчы правяраюць ІТ-кампаніі праз скандал PBH. Відаць, пераехала больш айцішнікаў, чым налічылі памежнікі