Пракурор Мінска назваў актуальным “супрацьстаянне экстрэмісцкім і тэрарыстычным праявам”
21 чэрвеня, Позірк. Па выніках пяці месяцаў гэтага года злачыннасць у Мінску скарацілася на 9%, заявіў 21 чэрвеня пракурор Мінска Алег Лаўрухін у эфіры дзяржаўнага “Радыё Мінск”.
Паводле яго сцвярджэння, “па-ранейшаму актуальнай застаецца праблема супрацьстаяння экстрэмісцкім і тэрарыстычным праявам”, што абумоўлена “ў першую чаргу і міжнароднай абстаноўкай і тым, што адбываецца па знешнім контуры [Беларусі]”.
“Пастаянна ўзнікаюць пытанні барацьбы з карупцыяй”, — адзначыў ён.
За студзень — травень 2024 года, паводле яго слоў, у горадзе выяўлена 168 злачынстваў “у сферы карупцыі або службовых злачынстваў”: “Гэта прыкладна ўзровень мінулага года, але больш за палову з іх — 56% — гэта хабарніцтва”.
Найбольш карумпаваныя, паводле яго слоў, вобласці — прамысловасць, гандаль і сфера адукацыі”: “60% працэнтаў злачынстваў ⟨…⟩ так ці інакш звязана са сферай закупак”.
Паводле звестак Генпракуратуры, у 2023 годзе колькасць “улічаных карупцыйных злачынстваў” павялічылася ў Беларусі на 16,4% — з 1.076 да 1.253. Пры гэтым на 12,8% вырасла колькасць асоб, якія іх учынілі.
СК: Справу экс-намесніка міністра энергетыкі Міхадзюка неўзабаве накіруюць у суд
21 чэрвеня, Позірк. Справа былога намесніка міністра энергетыкі Міхаіла Міхадзюка ў бліжэйшы час будзе накіраваная ў суд, заявіў журналістам старшыня Следчага камітэта Дзмітрый Гара 21 чэрвеня перад канферэнцыяй "Асноўныя напрамкі ўдасканалення сістэмы нацыянальнай бяспекі". “Крымінальная справа <…> ужо знаходзіцца на стадыі заканчэння. …
