З 1 студзеня 2026 года пры ўездзе ў Грузію неабходна мець медстрахоўку
Сталіца Грузіі Тбілісі
30 снежня, Позірк. З 1 студзеня 2026 года пры ўездзе ў Грузію неабходна будзе мець медыцынскую страхоўку.
Першапачаткова гэта патрабаванне планаваць ўвесці 1 чэрвеня 2024 года, але было вырашана адкласці. У снежні мясцовыя страхавыя арганізацыі чакалі тлумачэнні ад урада, якія полісы будуць сапраўдныя — мясцовыя, замежныя або па-за залежнасцю ад знаходжання профільнай кампаніі. Не выключаўся чарговы перанос пачатку дзеяння гэтага патрабавання.
26 снежня прэм’ер-міністр Грузіі Іраклій Кабахідзэ падпісаў пастанову, якая пацвердзіла неабходнасць мець страхоўку з 1 студзеня, аформіць яе можна ў любой краіне, у тым ліку ў Грузіі.
Страхавая сума — не менш за 30 тыс. лары (11.131 долар ЗША ў пераліку па курсе Нацыянальнага банка Грузіі на 31 снежня 2025 года). Поліс павінен дзейнічаць ўвесь перыяд знаходжання ў краіне. Афармляецца на грузінскай або англійскай мове ў папяровым або электронным выглядзе.
Ад неабходнасці афармляць медстрахоўку вызваленыя асобы, якія маюць дыпламатычную або спецыяльную візу, дыпламатычны пашпарт, і некаторыя іншыя катэгорыі.
Авіякампанія “Белавія” папярэдзіла аб новаўвядзенні пасажыраў, перш за ўсё якія вылятаюць у Тбілісі ўвечары 31 снежня. “У выпадку адсутнасці неабходнай страхоўкі пасажыру будзе адмоўлена ў перавозцы”, — падкрэсліваецца ў паведамленні.
