Па выніках праверкі рынкаў МАРГ выдаў больш за 300 рэкамендацый па выпраўленні парушэнняў правілаў гандлю

14 ліпеня, Позірк. Больш за 300 рэкамендацый па выпраўленні парушэнняў выдадзена Міністэрствам антыманапольнага рэагавання і гандлю (МАРГ) “суб’ектам, якія ажыццяўляюць гандлёвую дзейнасць на рынках”, паведамляецца на сайце ведамства.

Адзначаецца, што рэкамендацыі выдадзеныя па выніках праведзенай выбарачнай праверкі рынкаў “без унясення адпаведных звестак у Гандлёвы рэестр”.

Праверкі супрацоўнікі МАРГ правялі на рынках у Мінску, Мінскай вобласці, Брэсце, Віцебску, Гомелі, Гродне, Магілёве.

Падчас маніторынгу на гандлёвых аб’ектах выяўлены шэраг парушэнняў: рэалізацыя тавару са скончаным тэрмінам прыдатнасці, продаж плодаагародніннай прадукцыі па завышаных цэнах, утойванне рэальнай выручкі і ўхіленне ад выплаты падаткаў.

“У цяперашні час ажыццяўляецца падрыхтоўка нарматыўнага прававога акта, які прадугледжвае ўзмацненне адказнасці адміністрацый рынкаў і прадаўцоў, якія ажыццяўляюць продаж тавараў на рынках, за парушэнне патрабаванняў заканадаўства і навядзенне парадку на рынках рэспублікі”, — заявілі ў ведамстве.

МАРГ традыцыйна праводзіць праверкі ў гандлёвых аб’ектах, фіксуючы парушэнні ў большасці з іх.

7 красавіка стала вядома, што парушэнні заканадаўства аб гандлі і абароне правоў спажыўцоў выяўленыя ва ўсіх правераных касметычных крамах касметыкі сеткі “Летуаль”, якая належыць ТАА “ЖэнціТрэйд”.

4 красавіка паведамлялася, што ва ўсіх правераных крамах рознічнай сеткі “7 пятніц” (належыць ТАА “Юністар груп”) выяўленыя парушэнні заканадаўства аб гандлі і абароне правоў спажыўцоў.

10 сакавіка МАРГ паведаміў, што парушэнні правілаў гандлю ўстаноўленыя амаль у кожнай трэцяй праверанай краме сеткі “Табакерка”, якая належыць СЗАТ “ЭНЕРГА-ОЙЛ”.

28 лютага МАРГ праінфармаваў пра парушэнні правілаў гандлю, выяўленых ва ўсіх правераных крамах сеткі “Хіт!”, якая належыць ТАА “Еўрагандль”.

20 лютага ведамства ўказала на парушэнні ў 96% гандлёвых аб’ектаў рознічнай сеткі “Капеечка”.

Раней МАРГ выставіў маштабныя прэтэнзіі да інтэрнэт-пляцоўкі “Вайлдберыз” і гандлёвай сеткі “Суседзі”.

Эканоміка

Эканоміка

МАРГ узмацніў адказнасць гандлёвых арганізацый за завышэнне цэн

1 ліпеня, Позірк. Аб усё больш частых выпадках "фармальнага падыходу гандлёвых арганізацый да выканання рашэнняў" Міністэрства антыманапольнага рэгулявання і гандлю (МАРГ) заявіла 1 ліпеня прэс-служба ведамства. "У мэтах павышэння адказнасці суб'ектаў прадпрымальніцкай дзейнасці" перад спажыўцамі МАРГ паведаміў пра "ўзмацненне патрабаванняў …

Чытаць