24 чэрвеня, Позірк. Намінальны налічаны сярэдні заробак работнікаў Беларусі ў траўні 2025 года склаў 2.652,3 рубля — на 38,8 рубля больш (+1,5%), чым у красавіку (2.613,5), сведчыць праведзены “Позіркам” аналіз даных Нацыянальнага статыстычнага камітэта.
У снежні 2024-га ён складаў 2.693,9 рубля, студзені 2025-га — 2.427,4, лютым — 2.428,1, сакавіку — 2.601,8.
Згодна з зацверджанымі Аляксандрам Лукашэнкам важнейшымі эканамічнымі прагнознымі (дэ-факта — планавымі) параметрамі на 2025 год, рост рэальных наяўных грашовых даходаў насельніцтва павінен скласці 4%, інфляцыя — не перавысіць 5%.
