Аддзел навін про Польшу 4 студзеня 2023, 15:19

Пратэрмінаваныя польскія візы падоўжаць да 24 жніўня? Адкуль узялася гэтая дата

У падоўжаных польскіх віз, падобна, зноў ссунуўся дэдлайн — аж да 24 жніўня. Але ўсё не так проста.

Польскія візы D і карты побыту, прывязаныя да стану эпідпагрозы, маглі страціць моц ужо вось-вось. Усё праз законапраект пра змену законаў аб дапамозе ўкраінцам і некаторых іншых законаў, які выключаў той самы пункт — прывязку дакументаў да эпідстатусу з «антыкавіднай» пастановы ад 2 сакавіка 2020 года. Планавалася, што візы страцяць моц праз 30 дзён пасля афіцыйнага апублікавання закона.

Але потым зноў усё зноў змянілася і з’явілася новая меркаваная дата дэдлайну — 24 жніўня 2023 года.

CityDog.io высветліў, што ў перыяд працы над законапраектам у сейм паступілі пярэчанні, у тым ліку ад аб’яднанняў прадпрымальнікаў: маўляў, замежнікам, якія працуюць, прыйдзецца ў надзвычайным парадку праходзіць працэдуры новай легалізацыі, што створыць цяжкасці і для працадаўцаў, і для дзяржорганаў. У сувязі з гэтым у законапраект на этапе разгляду ў сейме былі ўнесеныя змены.

Ад самога скасавання падоўжаных віз у законапраекце не адмовіліся, аднак набыццё моцы гэтай мерай вырашылі адкласці да 24 жніўня 2023 года (дата звязаная з 24 лютага 2022 года і матываваная перш за ўсё клопатам пра ўкраінцаў. — dev.by). У такім выглядзе законапраект быў прыняты сеймам.

Сенат плануе разгледзець праект 11 студзеня.

Аднак! Нават у выпадку зацвярджэння законапраекта з датай 24 жніўня яна не будзе адзіным арыенцірам для ўладальнікаў падоўжаных віз, мяркуе CityDog.io. Калі да гэтага тэрміну ўлады скасуюць стан эпідпагрозы, то візы страцяць моц на 30-ы дзень пасля такога рашэння.