Для ІП хочуць увесці ліміт даходу. Айцішнікі-ІП, ау!
Тым, хто парушыць граніцу, — павышаны падатак і забарона на статус ІП.
Калі налета індывідуальны прадпрымальнік заробіць больш за 500 тыс. BYN, яму забароняць статус ІП і прапануюць аформіць камерцыйную арганізацыю. Такая норма змяшчаецца ў праекце змяненняў у Падатковы кодэкс, які быў прыняты Палатай прадстаўнікоў у першым чытанні.
Акрамя таго, за ўсё заробленае ў 2024 годзе такому ІП прыйдзецца заплаціць падатак па падвышанай стаўцы — 30%.
Дзяржава некалькі гадоў запар прымае меры па скарачэнні колькасці індывідуальных прадпрымальнікаў. Так, ад жніўня 2021 года ў Мінску не рэгіструюць новых ІП, ад 1 студзеня 2023-га для ІП канчаткова скасавалі спрошчаную схему, пакінуўшы толькі агульную сістэму падаткаабкладання і адзіны падатак. Стаўкі падаткаў таксама павысілі. Гэтым летам збіраліся яшчэ зацвердзіць вузкі спіс дазволеных для ІП відаў дзейнасці, але потым ад ідэі адмовіліся.
Для айцішнікаў (не толькі для іх) альтэрнатывай ІП стала праца з выплатай падатку на прафдаход і стварэнне юрыдычнай асобы. Туманны артыкул 7, які дазваляе ППД тым, хто аказвае паслугі праз інтэрнэт, хоць і выклікае шмат пытанняў, паводле слоў падаткавікоў, быў створаны спецыяльна для айцішнікаў. І, відаць, яны гэтай опцыяй актыўна карыстаюцца.
Ці значыць гэта, што айцішнікі-ІП у Беларусі вось-вось знікнуць як від/статус?
Wanted. Шукаем айцішнікаў-ІП у Беларусі. Раскажыце, як вам працуецца ў 2023 годзе, ці хапае заказаў/даходаў і якія планы на 2024-ы. Пішыце ў @devby_insight_bot, гэта ананімна.
Читать на dev.by