Мы шмат пісалі пра тое, як айцішнікі пакутуюць ад звальненняў. Як кампаніі разрываюць кантракты адным днём, звальняюць па рэлакацыі або садзяць на працяглы бэнч і звальняюць пасля. Але бываюць звальненні, якія нашыя чытачы называюць паспяховымі. Расказваем гэтыя гісторыі з невялікімі скарачэннямі.
Мы шмат пісалі пра тое, як айцішнікі пакутуюць ад звальненняў. Як кампаніі разрываюць кантракты адным днём, звальняюць па рэлакацыі або садзяць на працяглы бэнч і звальняюць пасля. Але бываюць звальненні, якія нашыя чытачы называюць паспяховымі. Расказваем гэтыя гісторыі з невялікімі скарачэннямі.
У 2022-2023-м адбываюцца масавыя звальненні ў ІТ-кампаніях. Згодна з трэкерам Layoffs.fyi — сайтам, які адсочвае звальненні ў тэхналагічнай галіне, — у 2022 годзе было звольнена больш за 160 тысяч чалавек. Паводле даных аналітыкаў Revelio Labs, у 2023-м скарацілі 170 тысяч чалавек. З іх прыкладна 20% прыпадае на распрацоўшчыкаў софту.
Што тычыцца Беларусі, то, паводле афіцыйных звестак, беларускі ІТ-сектар страціў 16+ тысяч айцішнікаў у 2022–м. За студзень-люты 2023-га — яшчэ не менш за 1500 спецыялістаў. Кампаніі працягваюць сыходзіць з Беларусі, закрываць свае офісы, рэлакаваць супрацоўнікаў або звальняць.
Крызіс і звальненні закранулі не толькі ІТ-сектар.
— У сакавіку мяне скарацілі ў кампаніі iTechArt, я два месяцы шукаў працу, але мяне дасталі гэтыя бясконцыя сумоўі і вымотванне нерваў плюс трэба было вырашаць пытанне з легалізацыяй у Польшчы. Таму я ўладкаваўся мантажнікам сонечных панэляў.
Паспеў ужо пабудаваць 545 МВт станцыю і пажыць у Бельгіі і Францыі. Праца цяжкая фізічна, але гэта вельмі выдатна дазваляе пераключыцца і разгрузіцца. Я дакладна не буду тут доўга працаваць — для мяне гэта, так бы мовіць, працатэрапія. Як мінімум мой арганізм сказаў мне вялікі дзякуй — праблемы са сном вырашыліся за адзін працоўны дзень.
Android Senior Developer, 10 гадоў стажу:
— Крыху больш за тры гады таму працаваў у Synesis. Мой праект закрылі, каманду размеркавалі, і я трапіў на новы праект, які быў мне не асабліва цікавы. Адпрацаваў я, можа, месяцы тры, пасля чаго лід выклікаў мяне зранку ў «мітынг рум» і сказаў, што людзей на праекце зашмат, і мне варта падумаць пра тое, каб напісаць «з уласнага».
Я не супраціўляўся, заяву напісаў, папрасіў адпусціць як мага хутчэй, і адразу пайшоў па сумоўях. Праз нейкі час мне напісаў сябар і сказаў, што ў Synesis скарацілі 100 чалавек адным днём. Ва ўсіх была паніка, купа людзей засталася без працы і высыпала на рынак. А я якраз прыняў тады адзін офер. Што праўда, працаваць па ім так і не пайшоў. Схадзіў яшчэ на адное інтэрв’ю, там і застаўся.
Вось ужо 3 года сяджу на адным месцы. Праца падабаецца, дый па грошах я выйграў вельмі і вельмі нядрэнна (+1300$). Пошукі працы тры гады таму ў Беларусі занялі дні чатыры.
Медыяпланер, 1+ года стажу:
— Раней працавала ў падатковай інспекцыі (займалася падатковымі праверкамі юрыдычных асоб). Летась сышла з дзяржслужбы, уладкавалася на працу ў рэкламнае агенцтва і вельмі гэтаму радая. Тут сучаснейшыя і актыўнейшыя людзі з рознабаковымі інтарэсамі, у якіх можна штосьці ўзяць для сябе. Плюс няма выразнай іерархіі, хто начальнік, а хто — падначалены. Пачуваешся вальнейшай у прыняцці рашэнняў.
Магчымасць аддаленай працы альбо адлучыцца з працы праз асабістыя справы толькі матывуе працаваць лепш — заўсёды ведаеш, што кіраўніцтва ў жыццёвых сітуацыях пойдзе табе насустрач.
Цяпер працую медыяпланерам — планую рэкламныя кампаніі, аналізую канкурэнтны рынак кліента, складаю медыяпланы з пралікам розных паказчыкаў. Так, прыйшлося шмат чаго вывучыць, зразумець сферу і ўладкаванне рынку. Плюс добра падцягнула некаторыя праграмы, базы і навык працы з Excel. Але я чалавек-аналітык: лічбы люблю, і яны мяне таксама, таму ўсё атрымалася. Балазе на гэтай пазіцыі гатовыя былі навучаць з нуля.
Трымай руку на пульсе. Самыя свежыя ІТ-вакансіі на jobs.dev.by
— Ад 2020 года я працаваў інжынерам у R&D аддзеле фармацэўтычнай кампаніі і тэхнічным пісьменнікам у кампаніі, якая спецыялізуецца на выпуску софту для відэаназірання. Пасля пачатку СВА («спецыяльная ваенная аперацыя» — фраза, якую выкарыстоўваюць улады Расіі для абазначэння ўварвання ва Украіну — заўв. аўт.) дзве мае кампаніі згарнулі сваю дзейнасць у Беларусі, і мяне скарацілі з дзвюх пазіцый.
Усё юнацтва я хацеў стаць не айцішнікам і не інжынерам, а ратавальнікам, але здароўе замінала. Пасля скарачэння вырашыў зноў паспрабаваць свае сілы, і цяпер працую ў МНС на пасадзе, звязанай з маніторынгам надзвычайных сітуацый, а таксама міжнароднай дзейнасцю.
Мы збіраем даныя ад Акадэміі навук, Белгідрамета ды іншых дзяржорганаў і робім прагнозы пажараў, паводак і іншым пагроз. Прагнозы ідуць зацікаўленым асобам, і яны ўжо прымаюць прэвентыўныя меры, каб не дапусціць чагосьці дрэннага ў плане НС. А міжнародная дзейнасць звязаная з узаемадзеяннем з міжнароднымі арганізацыямі.
Трапіць у МНС было не цяжка — з юрыдычнага боку я чысты (без прыцягнення да адказнасці па любых артыкулах), фізічна развіты. А тое пытанне са здароўем [вырашылася].
З айцішных прыёмаў спатрэбіліся базавыя веды Python, якія дазволілі напісаць скрыпт і трохі палегчыць працу ў спецыяльных праграмах. А таксама — часткова ўкаранёны канбан, з якім значна прасцей трэкаць свае актыўнасці і ставіць пісьменныя дэдлайны. Заробак, вядома, не большы, ніж у ІТ, але блізкі да тысячы долараў да выліку падаткаў. Сацпакет — як і ва ўсіх сілавікоў. Але галоўнае — мне проста кайфова пачувацца афіцэрам і прыўносіць у гэтае асяроддзе сучаснае прагрэсіўнае бачанне рашэння задач.
Motion Designer, 2,5 гады стажу:
— Год таму скарацілі пасля [пачатку] вайны. Тры месяцы шукала новую працу і знайшла — з рэлакейтам у Польшчу і павелічэннем заробку ў тры разы (хаця, як правіла, motion designer-аў не рэлакуюць і скарачаюць аднымі з першых). Знаёмстваў таксама стала ў пяць разоў больш, ніж у Беларусі.
Цяпер разумею, калі б засталася там, так бы і сядзела на месцы без спадзеваў і перспектыў. Сёння адчуваю кучу магчымасцей, варта толькі дацягнуцца рукой.
Process Manager, 12 гадоў агульнага стажу:
— Больш за 10 гадоў працаваў у адным з найбуйнейшых банкаў на каляайцішнай спецыяльнасці. Прагна жадаў пабудаваць кар’еру. Але заўважыў, што кіраўніцтва не гарыць жаданнем мяне прасоўваць. Больш за тое, разглядае маю сферу як трэцярадную.
Апошнія гады ў банку былі напоўненыя тугой ад бессэнсоўнасці і бесперспектыўнасці маёй працы. Горыччу — па бяздарна змарнаваным часе. Расчараваннем ад нізкага заробку. Урэшце мне не працягнулі кантракта.
Я зразумеў, што хачу працаваць у «чыстым» ІТ. Пашанцавала, што раней мне ўдалося прайсці за кошт працадаўцы курс па блізкай мне ІТ-спецыяльнасці. Я скончыў яшчэ некалькі курсаў на Udemy і атрымаў месца па ўжо «чыста» айцішнай спецыяльнасці. Двойчы змяніў працадаўцаў, кожны раз паляпшаючы ўмовы працы. Цяпер атрымліваю ў разы большы заробак, ніж да скасавання кантракта. На кожным месцы працадаўцы аплачвалі мне першакласныя курсы. Пра сацпакет і ўсякія нішцякі накшталт ноўтбука і манітора, пячэнек ды іншага і казаць не выпадае — такога ў банку нават блізка не было.
Junior SEO-спецыяліст:
— Звольнілі 30 лістапада, але мая HR хутка зарыентавалася і загадзя знайшла мне аддаленую працу на заходнюю кампанію з Беларусі (+100$ ад таго, што я атрымлівала раней).
Гэта зусім не тая сфера, у якой я працавала. Магу сказаць, што звальненне пайшло мне на карысць. Я працую з дому, маю больш грошай, вывучаю новы кірунак, штодня выкарыстоўваю англійскую і выконваю канкрэтныя задачы, у якіх ёсць вынік, чаго не было на папярэднім месцы.
Дзяліцеся сваімі гісторыямі ў каментарах ↓
dev.by, як і іншым сумленным медыя, сёння вельмі складана: рэдакцыя працуе па-за межамі краіны, а нашыя рэкламныя даходы скараціліся ў некалькі разоў.
Але мы даем рады — з вашай дапамогай. Гэта вы дзеліцеся з намі інфанагодамі, думкамі, досведам, часам і ўвагай. А 170 чытачоў падтрымліваюць нас данатамі. У 2023 годзе мы хочам сабраць 1000 чытачоў-падпісчыкаў.
Дапамагчы нам можна праз Patreon.
І яшчэ крыптой, тут гаманцы.
Дзякуй, што прачыталі гэтае паведамленне.
Рэлацыраваліся? Цяпер вы можаце каментаваць без верыфікацыі акаўнта.
Когда приходишь за деньгами и потому что просто модно, перед девочками там пальцы растопыривать, перед поцанами понтоваться - то оно да, тоска и прочая ерунда.
У тех кто по призванию таких детских проблем нет.
Согласен, если тебе интересно, чем ты занимаешься, это лучше и для тебя и для общества
И много вы знаете тех, кто работает по призванию?! Это в СССР можно было работать по призванию, ведь зарплаты не сильно отличались. Про выгорание в it целые тома написаны.
это самое ведь ужасное, когда люди сами блокируют себе путь со словами "и много вы знаете работающих по призванию". Если ничего не делать, то никогда в желаемом месте и не окажешься.
И много вы знаете тех, кто работает по призванию?! Это в СССР можно было работать по призванию, ведь зарплаты не сильно отличались. Про выгорание в it целые тома написаны.
Призвание и то что объективно представляет из себя айти сфера это очень разные вещи
Уволить всех, сделать счастливыми
Поручик Ржевский, молчать!
Карыстальнік адрэдагаваў каментарый 19 мая 2023, 16:42
Всю жизнь мечтал работать с толковыми программистами, но, попадались сотрудники мчс, рекламные агенты и монтажники солнечных панелей. Теперь я в кризис без работы сижу на входе в магазин с банкой для мелочи, и меня, наконец-то, окружают толковые программисты. Тоскуем по тем временам
Всю жизнь мечтал не ера не делать получать деньги. Знакомый посоветовал пойти в программисты. Устроился, но сильно эмоционально выгорал. И как только начал приближаться к реализации своей мечты - меня почему-то уволили. Теперь работаю тренером личностного роста, даю мастер-классы по управлению энергией, повышению эффективности и работоспособности. Чую близок к мечте!
Карыстальнік адрэдагаваў каментарый 22 мая 2023, 10:53
Более 10 лет работал в одном из крупнейших банков на околоайтишной специальности. Страстно желал построить карьеру.
Зря ушёл. Ещё бы пару годиков потерпел, и вот точно была бы карьера. 100%. Буквально пару годиков потерпеть всего.
а где истории саксесфула релокантов из гомельской в витебскую область ?
🤣🤣🤣👍😂😂😂
Можно легко собрать саксесфул хистори выпускников БГСХА, которые через 2-3 месяца после получения диплома становятся главными инженерами и гоняют на 24/36 передаче на МТЗ-3022 по полям и весям
Так Витебская же самая депрессивная, скорее должны быть истории о релокации из Витебской в минскую и гомельскую.