У 2024 у паловы айцішнікаў даходы раслі, кожны пяты зарабіў больш за $40K. Анкета

Мы ўжо пісалі пра самаадчуванне беларускіх айцішнікаў летась, пра іх пераезды і працу, а цяпер пра самае цікавае — пра заробкі і выдаткі.

Больш за палову апытаных айцішнікаў сцвярджае, што іх заробак у 2024-м рос. У 40% стаяў на месцы, а ў кожнага 10-га наогул упаў.

Але цікавыя абсалютныя лічбы. Кожны чацвёрты за год зарабіў ад 20K да 40K у. е. нета. Крыху ніжэйшая доля тых, хто ўпісаўся ў калідор 40-60K — гэта кожны чацвёрты-пяты. Агулам 45% апытаных атрымалі на рукі ад 20K да 60K.

Цікава: групы ўмоўна бедных айцішнікаў (ад 6K да 15K) і ўмоўна багатых (ад 60K да 100K) колькасна прыкладна роўныя — 12%. Пры гэтым ніжэй за «мяжу беднасці» ў 6K (мы прарысавалі яе наўздагад, трымаючы ў галаве міфічную стартавую зп джуна ў 500 баксаў) знаходзіцца кожны шосты. А ў раёне «шкляной столі» (прыпусцім, столь — 10K на месяц, значыць, тыя, хто зарабіў 100K на год, да яе ўжо наблізіліся) або вышэй — каля 6%.

Больш як у паловы айцішнікаў самым буйным артыкулам выдаткаў у 2024 годзе была арэнда жытла. Гэта нядзіўна, улічваючы міграцыйныя працэсы апошніх гадоў.

У той жа час амаль 30% адзначыла сярод выдаткаў таямнічую буйную пакупку (можа быць, нават жытла), 40% прасаджвалі грошы ў падарожжах. У кожнага пятага ў структуры выдаткаў важнае месца заняло лячэнне. На адукацыю трацілі, здаецца, менш чым на рэстарацыі.

А вось на што яшчэ трацілі:

— Аплата за крэдыт па жытле.

— Рамонт машын.

— Бытавыя страты (жытло сваё): харчаванне, бытавая хімія і гэтак далей.

— Іпатэка.

— Паставіў помнік з упарадкаваннем.

— Мэбля ў дзіцячыя пакоі.

— Аплата садка для дзяцей.

— Пры пераездзе шмат грошай укінула на ўсё спадарожнае: новыя валізкі, квіткі, гатэлі, часовую арэнду, дэпазіт за доўгатэрміновае жытло, нейкія штукі для ўладкавання побыту. Шмат данаціла на розныя важныя ініцыятывы.

— Не было вялікіх трат.

— Каршэрынг.

— Абавязковая медстрахоўка.

— Ашчаджанні на пенсію, прыкладна €8000 на месяц.

— Крэдыты і рамонт машын.

Как и за сколько можно купить дом в Польше. Опыт айтишников

По теме

Как и за сколько можно купить дом в Польше. Опыт айтишников

Не жалуйтесь и изучите рынок. Рекрутер рассказывает, как договариваться о зарплате ещё на собесе

По теме

Не жалуйтесь и изучите рынок. Рекрутер рассказывает, как договариваться о зарплате ещё на собесе