У Арсенія Краўчанкі выйшла кніга пра машыннае навучанне
Напісаная ў суаўтарстве з іншым інжынерам. Ужо ў перадпродажы.
Напісаная ў суаўтарстве з іншым інжынерам. Ужо ў перадпродажы.
У амерыканскім выдавецтве Manning Publications у перадпродаж паступіла кніга ML-інжынера з Беларусі Арсенія Краўчанкі і дата-саентыста Валерыя Бабушкіна.
Кніга называецца Machine Learning System Design: With end-to-end examples, гэта практычны падручнік па планаванні і распрацоўцы праграм машыннага навучання. Напісаныя пакуль 8 раздзелаў з 16-ці, па перадзаказе даступныя 5 раздзелаў, новыя абяцаюць адкрываць па адным на месяц, друкаваную версію — у 2024 годзе.
— Мы з суаўтарам задумаліся пра кнігу, абмяркоўваючы, чаго не стае людзям у індустрыі, напрыклад, кандыдатам на сумоўях. Поўна кніг і курсаў, людзі старанна іх асвойваюць, але гэтыя веды не заўсёды кладуцца ў стройную карцінку: нават разумны чалавек можа не бачыць лесу за дрэвамі. Нават калі ён больш-менш знае ўсе або амаль усе патрэбныя кавалкі, гэтага выяўляецца недастаткова, каб зрабіць якасную ML-сістэму для рэальнай задачы.
Мы паспрабавалі падсумаваць досвед якраз для такой генералізацыі. У ідэальным свеце хочацца, каб нармальны інжынер (які ўжо штосьці ведае пра ML і ўмее ў цэлым пісаць код) мог прачытаць кнігу і пасля гэтага самастойна пабудаваць жыццяздольную ML-сістэму і не наступіць хаця б на тыя граблі, на якія наступалі мы самі і нашы знаёмыя ў індустрыі.
Арсеній Краўчанка — ML-інжынер, прадстаўнік супольнасці Open Data Science і аўтар Telegram-канала partially unsupervised — не раз станавіўся аўтарам матэрыялаў пра AI, ML і Data Scientist на dev.by (напрыклад, вось і вось). Яшчэ раней ён узначальваў R&D-каманду ў Wannaby, якая зрабіла «прымерачную» для пазногцяў. Цяпер Арсеній не ў Беларусі. Вось што ён кажа пра сваю працу за апошнія гады.
Я з’ехаў у 2020-м, працаваў ML-інжынерам аддалена на два стартапы (адзін пра Computer Vision у вытворчасці, другі — пра ML для аналізу транзакцый у фінтэху, абодва амерыканскія).
І пра суаўтара Валерыя Бабушкіна:
— Мой суаўтар, наадварот, выключна карпаратыўны чувак — ягонае апошняе месца працы — VP of Data Science у Blockchain.com, да гэтага Meta, да гэтага X5 Group у Маскве. Таму мы лічым свой досвед камплементарным — розныя задачы, розныя кантэксты.
Рэлацыраваліся? Цяпер вы можаце каментаваць без верыфікацыі акаўнта.
Вышла, но не до конца)
Пра Бабушкiна як медыйнага data спецыялiста штосьцi мала напiсана. Не "зямляк" канешне, але фiгура значная.
О том как дёргать чужое REST API на питончике?