Аддзел навін 8 студзеня 2024, 14:13

З Telegram без тлумачэнняў знялі штрафы ў Расіі

У Telegram не ведаюць, чаму ў Расіі скасавалі штрафы супраць яго і іншых буйных замежных ІТ-кампаній. Пра гэта прадстаўнікі месенджара паведамілі журналістам Reuters.

Пакінуць каментарый

З Telegram без тлумачэнняў знялі штрафы ў Расіі

У Telegram не ведаюць, чаму ў Расіі скасавалі штрафы супраць яго і іншых буйных замежных ІТ-кампаній. Пра гэта прадстаўнікі месенджара паведамілі журналістам Reuters.

«У Telegram няма актываў, офісаў, супрацоўнікаў або абсталявання ў Расіі. Без хоць якой прысутнасці там мы не маем паняцця, чаму былі спісаныя штрафы ў дачыненні да Telegram і іншых кампаній», — растлумачылі ў Telegram.

Раней расійскія суды наклалі штрафы на Google і YouTube, Meta, TikTok і Telegram. Аднак ужо на мінулым тыдні кампаніі больш не значыліся ў спісе даўжнікоў у базе судовых прыставаў. У Telegram згадалі мясцовыя выданні, якія звязалі скасаванне штрафаў з тым, што прыставы папросту не змаглі знайсці ў кампаній актывы ў Расіі, якія можна было б канфіскаваць.

На пачатку студзеня «Інтэрфакс» са спасылкай на банк Федэральнай службы судовых прыставаў пісаў, што судовыя прыставы цалкам спагналі мільярдныя штрафы з Google і Meta — на 1 студзеня даныя аб выканаўчых вытворчасцях супраць іх адсутнічалі. Таксама без даўгоў Новы год пачалі Telegram, TikTok і Youtube. Іх каралі за размяшчэнне і невыдаленне «забароненага кантэнту». Тым часам працягваецца прымусовае спагнанне штрафаў за аналагічныя правапарушэнні з Х (Twitter) і Twitch.