Усяго за некалькі дзён пасля перамогі Дональда Трампа на прэзідэнцкіх выбарах у ЗША сацсетка Bluesky перажыла сапраўдны бум новых падпісчыкаў: сотні тысяч карыстальнікаў прыйшлі з сацсеткі Маска. Чым іх прыцягвае платформа Джэка Дорсі?
Усяго за некалькі дзён пасля перамогі Дональда Трампа на прэзідэнцкіх выбарах у ЗША сацсетка Bluesky перажыла сапраўдны бум новых падпісчыкаў: сотні тысяч карыстальнікаў прыйшлі з сацсеткі Маска. Чым іх прыцягвае платформа Джэка Дорсі?
Пасля 5 лістапада аўдыторыя Bluesky значна вырасла: за апошні тыдзень сацсетка прыцягнула больш за 700 тысяч новых карыстальнікаў. Такім чынам, колькасць карыстальнікаў Bluesky павялічылася прыкладна з 9 мільёнаў у верасні да 14,5 мільёна станам на 12 лістапада. Большасць з іх жыве ў ЗША. У амерыканскім App Store Bluesky займае другое месца па папулярнасці сярод бясплатных праграм сацсетак, саступаючы толькі Threads ад Meta.
Сацсетка Bluesky была створаная ў 2019 годзе генеральным дырэктарам Twitter Джэкам Дорсі як праект па распрацоўцы дэцэнтралізаванага пратакола сацыяльных сетак. У 2021 годзе платформа стала незалежнай кампаніяй пад кіраваннем гендырэктара Джэй Грабер. На пачатку 2023 года платформа запусціла бэта-версію з рэгістрацыяй на запрашэнне, выпусціўшы праграмы для iOS і Android, а ў лютым 2024 года сацсетка стала адкрытай. Пабудаваная на базе пратакола AT, Bluesky прытрымліваецца прынцыпаў дэцэнтралізацыі і аўтаноміі карыстальнікаў.
Рост аўдыторыі Bluesky можа быць выкліканы незадаволенасцю палітыкай канкурэнта — сацсеткі X. Многія карыстальнікі платформы сыходзяць праз тое, што пасля набыцця сацсеткі Іланам Маскам у ёй стала больш дэзынфармацыі, распальвання нянавісці і абразлівага кантэнту. Атмасфера ў X пагоршылася, асабліва пасля таго, як Маск актыўна падтрымаў Дональда Трампа ў часе перадвыбарнай кампаніі.
Напрыклад, нядаўняе даследаванне Center for Countering Digital Hate паказала, што перадвыбарныя пасты Маска, якія ўтрымлівалі хлусню і зманлівыя выказванні, сабралі больш за 2 мільярды праглядаў у сацсетцы. Акаўнты Маска і Трампа з’яўляюцца пастаяннымі крыніцамі канспіралагічных тэорый і радыкалізуюць сацсеткі, прыцягваючы ультраправых прыхільнікаў.
Нядаўнія змены ў палітыцы X, уключаючы новыя ўмовы абслугоўвання, якія дазваляюць выкарыстоўваць даныя карыстальнікаў для навучання АІ, яшчэ больш адштурхнулі карыстальнікаў. Таксама карыстальнікам не спадабалася рашэнне X дазволіць заблакаваным карыстальнікам бачыць публікацыі тых, хто іх заблакаваў. Гэтыя змены прымусілі многіх цалкам выдаліць свае акаўнты на X і шукаць альтэрнатыўныя варыянты, такія як Bluesky.
Сам Маск паведаміў, што ў перыяд выбараў Х дасягнуў рэкорднага ўзроўню актыўнасці карыстальнікаў: у дзень абвяшчэння вынікаў выбараў, паводле слоў бізнэсоўца, пікавы паказчык склаў 434,1 мільярда карыстальнік-секунд. Аналітыкі адзначылі, што новыя карыстальнікі, незалежна ад іх інтарэсаў, часта сутыкаліся з палітычнымі пастамі, прычым матэрыялы ў падтрымку Трампа з’яўляліся прыкладна ў два разы часцей, чым матэрыялы ў падтрымку Камалы Харыс.
Карыстальнікі хочуць мець больш прыязнае і менш канфліктнае анлайн-асяроддзе. Напрыклад, сябры фанбазы Тэйлар Свіфт, вядомыя як «Swifties», паведамілі, што адчуваюць сябе ў Bluesky у большай бяспецы ў параўнанні з X, дзе яны сутыкаліся з павышанай варожасцю. Адзін са «свіфтыз» заявіў, што Bluesky больш падобны да супольнасці, дзе людзі не «настроеныя на барацьбу» адно з адным.
Bluesky выкарыстоўвала некалькі стратэгій для пашырэння сваёй карыстальніцкай базы. Першапачаткова сацсетка працавала толькі на запрашэнне, але ў лютым гэтага года адкрыла сваю платформу, дазволіўшы карыстальнікам рэгістравацца без абмежаванняў. Таксама сацсетка распрацавала прэміум-падпіску, якая прапаноўвае дадатковыя функцыі, такія як загрузка відэа вышэйшай якасці і магчымасці наладжвання профілю.
У адрозненне ад падпіскі Twitter Blue, змяненні якой выклікалі буру крытыкі ў карыстальнікаў, падпіска Bluesky не ўплывае на бачнасць паведамленняў і верыфікацыю акаўнта, захоўваючы роўныя ўмовы для ўсіх карыстальнікаў. сацсетка падкрэслівае, што з’яўляецца дэцэнтралізаванай платформай, дзе карыстальнікі могуць самі наладжваць стужку ў адпаведнасці са сваімі перавагамі, замест жорстка алгарытмізаванай стужкі X.
Аднак для Bluesky сацсетка Маска — не галоўны канкурэнт, паколькі глабальная аўдыторыя X (большая за 500 мільёнаў карыстальнікаў) у дзясяткі разоў перавышае колькасць карыстальнікаў невялікай платформы. Bluesky адчувае нашмат больш жорсткую канкурэнцыю з Threads — сацсеткай Meta, якая перажыла выбухны рост пасля запуску 5 ліпеня 2023 года. Тады за першыя пяць дзён у Threads зарэгістраваліся 100 мільёнаў карыстальнікаў, што зрабіла яе самай хуткарослай праграма ў гісторыі на той момант.
Але пасля ажыятажу карыстальнікі пачалі крытыкаваць сацсетку Цукерберга. Цяпер яны скардзяцца на дакучлівыя апавяшчэнні сацсеткі, праблемы з мадэрацыяй, дэзынфармацыю і алгарытмічную стужку «Для вас», ад якой немагчыма пазбавіцца. Сама Meta прызнала, што праграма стала занадта дакучлівай і паабяцала разабрацца з праблемай.
Нягледзячы на праблемы Threads, платформа па-ранейшаму значна большая за Bluesky, з больш як 275 мільёнамі карыстальнікаў на месяц. Ад моманту запуску ў ліпені 2023 года колькасць карыстальнікаў павялічылася на 175% і на 75 мільёнаў ад жніўня гэтага года. Цяпер штодзённы прырост аўдыторыі перавышае 1 мільён чалавек. Мяркуючы з адкрытых даных, штодзённы прырост Bluesky можа складаць не больш за 50 тысяч карыстальнікаў.
Аднак у Threads быў выдатны старт: Meta выкарыстала карыстальніцкую базу Instagram і Facebook, агрэсіўна прапаноўваючы сваім карыстальнікам зарэгістравацца ў новай сацсетцы праз агульны акаўнт. Першы час профіль Threads нельга было адвязаць ад іншых акаўнтаў Meta і выдаліць. Таксама алгарытмізаваная стужка Threads звязаная з Instagram і Facebook, і фактычна ў карыстальніка адны і тыя ж падпісчыкі на трох платформах.
У адрозненне ад Threads і X, сацсетка Джэка Дорсі выявілася маргінальнай платформай, куды сцякаюцца карыстальнікі, якія настальгуюць па былых часах ужо неяіснага твітэра. Прывабнымі бакамі Bluesky сталі дэцэнтралізаваная структура, заснаваная на пратаколе AT, Адмова ад жорсткіх алгарытмаў стужкі пры строгай мадэрацыі кантэнту. Нарэшце, прыхільнасць прынцыпам адкрытага зыходнага кода дазваляе кожнаму ўносіць свой унёсак у развіццё платформы.
Рэлацыраваліся? Цяпер вы можаце каментаваць без верыфікацыі акаўнта.
Давайце шчыра, Маск адмыслова набыў Твіттар, каб з больш-меньш плюралістычнай пляцоўкі зрабіць палітычны кіруемую пляцоўку
І з перамогай Трампа ён адаб'е ўсе страты
Пагляжу, што за Bluesky і ці ёсць там рэла-лобі ;)
Карыстальнік адрэдагаваў каментарый 12 лістапада 2024, 18:45
Эта статья содержит "ложь и вводящие в заблуждения высказывания" (С)
Скучают по своему echo chamber где банились все, кто не "колебался вместе с линией партии" (С).
поколение снежинок - чуть что отличное от их мнения и тают
Надеюсь dev.by содрал немного денег с этой блюскай за рекламу. Иначе непонятно какое дело ресурсу до американской предвыборной повестки, особенно левой.
Особенно после уже вчистую проигранных леваками выборов.
население США 334 ляма, а убегли сотни тысч. всем бумам бум! а еще том хэнкс уехал. на 2 дня.
Судя по тому, что вокруг него происходит, есть вероятность что он и вовсе на нары может уехать после публикации списка эпштейна.
у него греческое гражданство (супруга имеет болгарско-греческие корни), и недвига в Греции, и вроде как время регулярно там проводит. Своего гражданина греки не выдадут.
Посмотрим
Особенно активным пользователям bluesky подарят сертификаты на операцию по смене пола.