Літва пяты дзень як закрылася ад машын з нумарамі РБ. Вось каго і як яшчэ пускаюць

18 ліпеня Літва ўслед за Латвіяй забараніла ўезд легкавых аўтамабіляў на беларускіх нумарах. Як паведамляў літоўскі бок, забарона звязаная з санкцыямі і распаўсюджваецца на легкавыя аўтамабілі незалежна ад грамадзянства іх уладальніка або кіроўцы. Аднак да 16 жніўня можна ўвозіць машыны, не прызначаныя для продажу, якія належаць грамадзянам Беларусі, «што маюць дзейную візу, якая дазваляе ўезд у ЕС, або дзейны дазвол на часовае або пастаяннае пражыванне ў Літве». 

Прасцей кажучы, да 16 жніўня, па аналогіі з Польшчай, пускаюць тых, у каго ў салоне сядзіць уладальнік аўто з візай / літоўскім ДНЖ. 

Мяркуючы са статыстыкі Памежнага камітэта РБ, такія ўмовы ўезду пакуль істотна не змянілі сітуацыі на мяжы. Там па-ранейшаму чарга з паўтары сотні аўто. Яна нават стала даўжэйшай, чым мінулага панядзелка — тады на выезд з Беларусі стаяла 80 аўто.

У тэматычных чатах беларусы абмяркоўваюць нюансы новых правілаў і дзеляцца вопытам перасячэння мяжы.

Да літоўскага памежнага кантролю — 20 гадзін

Так карыстальнік У. заехаў у адстойнік на КПП «Каменны Лог» 21 ліпеня каля 15:00 пад нумарам 94. А пасля поўдня 22 ліпеня, праз 20 гадзін чакання, стаяў на літоўскім памежным кантролі. Вось якія парады ён дае.

Ці пусцяць у Літву з польскім ДНЖ

Асобная галіна абмеркавання тычыцца таго, ці можна пры ўсіх іншых выкананых умовах заехаць у Літву з польскім ДНЖ.

Некаторыя карыстальнікі кажуць, што можна, іншых грызуць сумневы.  

«На Беняконі заехалі, а 8 раніцы, цяпер толькі (глыбокай ноччу — dev.by) патроху пад’язджаем да літоўцаў. Ды яшчэ і з польскім ДНЖ. Трэба было ехаць праз Брэст усё ж такі. Так нам не трэба было б трэсціся за ДНЖ і потым шэсць гадзін яшчэ да Варшавы перці», — піша ўдзельнік чата.

Іншы ўдзельнік, з польскай мяжы, яму адказвае:

«Кажуць, што з польскім пускаюць. А вось яшчэ шэсць гадзін дарогі — гэта такое сабе. Хоць я на Брэсце стаю і думаю, што трэба было на Літву ехаць».

Чалавеку, які паехаў з польскім ДНЖ на Беняконі, не пашанцавала. Праз суткі чакання яго развярнулі назад. 

— Цяпер ужо дакладна не пускаюць, — расказаў ён. — Але, кажуць, яшчэ ад змены залежыць. Нам не пашанцавала. Усіх шманалі. Хоць наш знаёмы літовец тэлефанаваў у іх памежны камітэт і пытаўся, ці прапусцяць беларусаў з польскім ДНЖ. Яму адказалі, што прапусцяць. Ну, мы і паехалі.

Спачатку чувак забраў нашыя пашпарты з картамі побыту, паглядзеў, што ёсць польская страхоўка, спытаў тэхагляд на машыну і пайшоў нас афармляць. Нават паставіў штампы на ўезд, а потым заўважыў, што ў нас ДНЖ, і панеслася…

Калі б былі польскія візы, то нас бы пусцілі. А з ДНЖ лепш не рызыкуйце».

А што з аўтобусамі?

Нягледзячы на тое што чарга з аўтобусаў зусім невялікая, мяжу ў кірунку Літвы яны праходзяць павольна.

«Агулам — 10,5 гадзін з Мінска ў Вільню, — дае справаздачу сёння адная з падарожніц. — Сам пашпартны кантроль і мытня максімальна хутка. Нічога не пыталіся, не глядзелі, не выкідалі. Напэўна, паўгадзіны на аўтобус. Чаму столькі чакалі, наогул незразумела. Падобна да свядомага сабатажу».

Нейкія яшчэ засады?

У чатах пішуць са спасылкай на вусныя папярэджанні літоўскіх мытнікаў, што ад сённяшняга дня будуць строга правяраць ліміты на вываз у Беларусь наяўных еўра — не больш за 60 на чалавека. Аднак пацверджанняў, што гэтая практыка запушчаная, пакуль няма.

Дарэчы, а што на мяжы з Латвіяй?

Латвія першай забараніла ўезд машынам на беларускіх нумарах. Забарона набыла моц 16 ліпеня. І, у адрозненне ад літоўскай забароны, яна фактычна татальная. Як вынік — нуль легкавых аўтамабіляў у чарзе.

Wanted. Калі вы перасякаеце мяжу Беларусі і Літвы і заўважылі нешта новае/незвычайнае, напішыце нам у бот, гэта ананімна.

«Ужо страшна». Як забарона балтыйскіх краін на ўезд аўто з РБ памяняла планы айцішнікаў

Па тэме

«Ужо страшна». Як забарона балтыйскіх краін на ўезд аўто з РБ памяняла планы айцішнікаў