Ці можна з праязным дакументам замежніка адкрыць рахунак? Вось што адказалі ў польскіх банках

Дысклэймер: гэта адказы тэхпадтрымкі. Але, як вядома, у Польшчы на двух службоўцаў тры меркаванні. То-бок адказы могуць адрознівацца ад працаўніка да працаўніка.

PKO

«Для адкрыцця рахунку мы прымаем наступныя дакументы, якія пацвярджаюць асобу: 

1) замежны пашпарт;

2) іншы дакумент, які пацвярджае асобу. Напрыклад:

— карта побыту;

— карта побыту грамадзяніна ЕС (karta pobytu obywatela Unii Europejskiej);

— пасведчанне асобы краіны ЕС (dowód osobisty kraju Unii Europejskiej);

— польскі дакумент, які пацвярджае асобу замежніка (polski dokument tożsamości cudzoziemca);

— польскі праязны дакумент для замежніка (polski dokument podróży dla cudzoziemca);

— часовы праязны дакумент для замежніка (tymczasowy polski dokument podróży dla cudzoziemca);

— часовае пасведчанне асобы замежніка (TZTC)».

mBank

«У выпадку рэзідэнта Польшчы без польскага грамадзянства пры падачы заявы на адкрыццё рахунку ў mBank мы прымаем наступныя дакументы:

— замежны пашпарт з картай побыту;

— праязны дакумент, прадугледжаны Жэнеўскай канвенцыяй (genewski dokument podróży, які выдаецца ўцекачам — заўв. Dzika) з картай побыту».

Santander

«Калі вы пацвярджаеце сваю асобу пашпартам з Беларусі, мы дадаткова просім вас падаць карту побыту. Калі ў вас ёсць абодва гэтыя дакументы, вы зможаце адкрыць рахунак непасрэдна ў аддзяленні нашага банка.

Мы не прымаем праязных дакументаў (dokumentu podróży). Аднак, калі вы маеце дазвол на жыхарства тэрмінам мінімум на 12 месяцаў, вы можаце адкрыць у нас рахунак».

ING Bank Śląski

«Для адкрыцця рахунку вам спатрэбіцца пашпарт або дазвол на жыхарства, выдадзены Польшчай — не прымаем праязных дакументаў (dokumentu podróży).

Мы таксама можам запытаць дадатковыя дакументы, якія пацвердзяць вашае знаходжанне і крыніцу сродкаў:

1) дакумент, які тычыцца вашага знаходжання:

— карта побыту, выдадзеная Польшчай;

— або віза;

— або zezwolenie na pobyt у Польшчы (толькі для рэзідэнтаў Польшчы).

А таксама дакумент, які пацвярджае пражыванне ў Польшчы (калі адрас пражывання не пазначаны ў згаданых вышэй дакументах), напрыклад:

— даведка з аддзела, які займаецца пытаннямі мельдавання, ужонда горада/гміны;

— або дамова арэнды жылля;

— або даведка ад працадаўцы аб прадастаўленні жылля работніку.

2) дакумент, які пацвярджае атрыманне сродкаў у Польшчы — гэта можа быць:

— умова, а працэ/умова злецэння/умова, а дзела;

— zaświadczenie pracodawcy (даведка, якая пацвярджае, што вы працаўладкаваныя і атрымліваеце гэтулькі грошай — заўв. Dzika);

— пацвярджэнне атрымання стыпендыі;

— пацвярджэнне вядзення ўласнага бізнэсу (копія з CEIDG, пагадненне пра партнёрства для спулкі).

Каб адкрыць рахунак, калі ласка, таксама пакажыце свой ідэнтыфікацыйны нумар падаткаплацельшчыка (NIP), калі ў вас няма польскага падатковага рэзідэнцтва».

Pekao

«Дакументы, неабходныя для адкрыцця рахунку замежніку:

— пашпарт і, магчыма, дадатковыя дакументы (напрыклад, карта побыту, zezwolenie na zamieszkanie, zezwolenie na pobyt, карта побыту грамадзяніна ЕС альбо Dokument Pobytu);

— або, у выпадку грамадзяніна Еўрапейскага Саюа, гэта можа быць іншы дакумент, які пацвярджае ягоную асобу і грамадзянства, які дазваляе ўезд у Польшчу;

— або, у выпадку замежніка, які падаў заяву на прадастаўленне яму статусу ўцекача і знаходзіцца ў статусе разгляду — часовае пасведчанне асобы замежніка (TZTC) з тэрмінам дзеяння».

Рэмарка ад Dzika

Мы бачылі як мінімум адзін кейс у мігранцкіх чатах, калі чалавеку з праязным дакументам, картай побыту і дамовай B2B атрымалася ўзяць крэдыт на жыллё ў банку Pekao. Што праўда, страхоўку прыйшлося адкрыць у іншай фірме па карце побыту (яе няможна аформіць без пашпарта). Так што, верагодна, тут многае залежыць ад настойлівасці і пісьменнага афармлення дакументаў.