Аддзел навін 28 лютага 2024, 17:10

Lesta Games павялічыла штат на 70% і цяпер у топе самых дарагіх інтэрнэт-кампаній Расіі

Летась Lesta Games наняла 745 чалавек, павялічыўшы штат на 69,3% да 1820 супрацоўнікаў. Пра гэта ў гутарцы з «ТАСС» распавёў уладальнік студыі Малік Хатажаеў.

Пакінуць каментарый

Lesta Games павялічыла штат на 70% і цяпер у топе самых дарагіх інтэрнэт-кампаній Расіі

Летась Lesta Games наняла 745 чалавек, павялічыўшы штат на 69,3% да 1820 супрацоўнікаў. Пра гэта ў гутарцы з «ТАСС» распавёў уладальнік студыі Малік Хатажаеў.

Lesta заняла 14 месца ў рэйтынгу самых дарагіх кампаній расійскага сегмента інтэрнэту па версіі Forbes і стала самай дарагой гульнявой кампаніяй краіны. Яе рынкавы кошт ацэньваецца ў $800 млн.

«Трапіць у рэйтынг Forbes не было задачай Lesta Games. Грошы — гэта важны рэсурс, але першасныя для нас людзі, тэхналогіі і, вядома ж, гульні. Увесь 2023 год мы напружана працавалі, нанялі больш за 700 новых супрацоўнікаў, сярод якіх шмат спецыялістаў-пачаткоўцаў без досведу. Мы пастаянна абнаўлялі нашыя праекты і працягвалі распрацоўку гульняў», — сказаў Хатажаеў. Ён дадаў, што кампаніі патрэбныя класічныя праграмісты, спецыялісты па працы са штучным інтэлектам, геймдызайнеры, а таксама мастакі 2D і 3D.

У красавіку 2022 года Wargaming абвясціла пра сыход з рынкаў Беларусі і Расіі, звязаны з анлайн-гульнямі бізнэс перадала мясцоваму менеджменту Lesta Games. 13 кастрычніка таго ж года World Of Tanks, World of Warships і World of Tanks: Blitz былі перайменаваныя на тэрыторыі дзвюх краін у «Свет танкаў», «Свет караблёў» і Tanks Blitz адпаведна.

Пры канцы мінулага года кіраўніцтва «Свету танкаў» паведаміла Forbes, што прагназаваная на 2023 год выручка Lesta Games напалову перавышае выручку за 2022 год. Кампанія разлічвала зарабіць за 2023 год каля 18-19 млрд RUB (да $207 млн). Ці атрымалася гэта — невядома.