На пачатку года буйны аўтсорс у РБ шукае стажораў і амаль не наймае тэхнароў. Паглядзелі на вакансіі

EPAM

Кампанія працягвае кропкава наймаць спецыялістаў у Беларусі. Пры гэтым за апошні месяц колькасць прапаноў працы рэзка скарацілася. На сайце EPAM цяпер толькі 14 вакансій, а на пачатку снежня мінулага года было каля 40 вакансій. 

теп

Большасць вакансій мае на ўвазе аддаленую працу. Пры гэтым для тэхнічных спецыялістаў усяго некалькі прапаноў працы.

Так, кампанія шукае Senior C/C++ Software Engineer для праекта па распрацоўцы высокапрадукцыйных размеркаваных сістэм захоўвання. Сярод патрабаванняў — вопыт распрацоўкі праграмнага забеспячэння для платформаў Linux/Unix, пацверджаны вопыт праграмавання на мовах C або C++.

На аддаленую працу ў каманду AI SDLC Center of Excellence кампанія шукае Senior/Lead AI Engineer. Таксама ёсць прапанова для Adobe Experience Developer. 

Частка вакансій датычацца спецыялістаў, звязаных з фінансамі — напрыклад, кампаніі патрэбныя фінансавыя і бізнэс-аналітыкі. 

Andersen

Кампанія і ў новым годзе актыўнічае на рынку працы. За апошні месяц яна размясціла больш за 30 вакансій. Большасць, прапаноў, як і раней, для стажораў у розных напрамках: General Manager, Education Coordinator, System Analysis, QA Manual, QA Automation, Project Manager, Java, Business Analysis.

Каб патрапіць у Andersen, вопыту не патрабуецца. Пасля паспяховай стажыроўкі ёсць магчымасць уладкавацца на працу ў кампанію.

Ёсць толькі некалькі прапаноў не для стажораў. У прыватнасці, Andersen шукае двух SMM Specialist for Linkedin з вопытам работы 1-3 гады. Таксама кампаніі патрэбныя Assistant to Sales Manager з аналагічным вопытам работы. 

Адзіная вакансія, дзе патрабуецца вялікі вопыт працы (3-6 гадоў) — для Deputy Head of Lead Generation Department. 

Aston

У расійскай кампаніі Aston таксама амаль усе прапановы для стажораў без вопыту. Пры гэтым колькасць вакансій прыкметна скарацілася адносна мінулага года.

У 2024 годзе ў асобныя перыяды на rabota.by было размешчана ад 50 да 90 вакансій. За апошні месяц кампанія размясціла каля 20 вакансій. У выніку многія пазіцыі Aston ужо закрыла.

Кампанія размясціла прапановы на стажыроўку/вучобу для аналітыкаў, інжынераў, Java распрацоўшчыкаў, сістэмнага аналітыка асістэнта менеджара па падборы персаналу ў ІТ сферы.

На час стажыроўкі/вучобы кампанія гарантуе працаўладкаванне па працоўным кодэксе Беларусі і выплату стыпендыі. 

Пасля паспяховага заканчэння анлайн-інтэнсіву ASTON абяцае аўтаматычнае залічэнне на стажыроўку ў карпаратыўную лабараторыю. У сваю чаргу найлепшыя стажоры могуць прэтэндаваць на працаўладкаванне ў кампанію. 

Дата-аналітык можа прэтэндаваць на пачатковую зарплату ад 1000 долараў, сістэмны аналітык — ад 700 долараў, Java распрацоўшчыкаў — ад 680 долараў, 1С распрацоўшчык — ад 700 долараў. 

Innowise Group

Кампанія працягвае актыўна працаваць у Беларусі. За апошні месяц яна размясціла больш за 60 вакансій на rabota.by. 

Патрэбныя бізнэс-аналітыкі, праектныя менеджары, інжынеры, распрацоўшчыкі (Rust, Java, PHP, Node.js, .NET Full-stack).

Пры гэтым у асобных прапановах працы прыярытэт аддаецца не толькі тэхнічным навыкам. Напрыклад, кампанія шукае распрацоўшчыкаў, Project manager і QA Engineer з веданнем нямецкай мовы, яшчэ патрэбны перакладчык на хіндзі для праекта ў сферы медыцыны Voka.io. 

Innowise Group абяцае пачаткоўцам разнапланавыя праекты ў такіх сферах, як FinTech, Entertainment, eCommerce, Gaming, Artificial Intelligence ды інш. Кліенты, як сцвярджаецца, знаходзяцца ў ЗША, Канадзе, краінах ЕС і СНД.

Прапаноўваюць і стажыроўку — больш за 10 вакансій. Большасць з іх — для распрацоўшчыкаў і QA. Сярод базавых патрабаванняў — размоўная англійская ад В1, базавыя веды распрацоўкі.

Itransition

На сайце больш за 20 вакансій, у апісанні якіх фігуруе Беларусь.

Itransition шукае пераважна спецыялістаў Sales and Marketing, Business Analytics and Consulting, Software Development. Патрабаваны досвед працы — ад 2 да 5+ гадоў. 

Кампанія заяўляе, што рэалізуе праекты для такіх кліентаў, як PayPal, Wargaming, Xerox, Philips, Adidas і Toyota.

Belhard

Кампанія размясціла больш за 40 прапаноў працы, з іх больш як палова — для тэхнічных спецыялістаў. У прыватнасці, шукаюць праграмістаў, дызайнераў, тэсціроўшчыкаў вэб- і мабільных праграм.

Шмат прапаноў для распрацоўшчыкаў. У прыватнасці, хочуць наняць Unity распрацоўшчыка гульняў у сувязі з пашырэннем напрамку распрацоўкі мабільных гульняў.

Ёсць прапанова для Blockchain JS-распрацоўшчыка для працы ў прадуктовым блакчэйн-стартапе. У апісанні вакансіі паказана, што распрацоўшчык будзе займацца стварэннем маркетплэйса для новай крыптавалюты. Яшчэ шукаюць Senior Golang Developer для працы па «стварэнні амбіцыйнага праекта ў сферы FinTech».

LeverX Group 

За апошні месяц кампанія размясціла больш за 10 вакансій на rabota.by, але сярод іх амаль няма прапаноў для тэхнічных спецыялістаў.

Кампаніі патрэбныя рэкруцёры, Sales Assistant, HR, спецыяліст па лічбавым маркетынгу, сістэмны адміністратар (з вопытам 3-6 гадоў), а таксама дасведчаны SAP BTP-кансультант.

Частка прапаноў для стажораў. Напрыклад, LeverX шукае джуна-рэкруцёра без вопыту для працы на замежных рынках (ЕС, ЗША). Ёсць прапановы стажыроўкі для Support Engineer, Administrative Specialist (Billing), спецыяліста па кадрах. 

Сістэмныя тэхналогіі

За апошні тыдзень кампанія размясціла чатыры прапановы працы ў Мінску.

Яна шукае ў штат QA Engineer (Web/Mobile), Fullstack JavaScript+ASP.Net Developer (Middle), спецыяліста па інфармацыйнай бяспецы (SIEM) і Flutter-распрацоўшчыка.

Патрабаваны вопыт працы — ад 1,5 да 3 гадоў. У апісанні вакансій паказана, што кампанія шукае спецыялістаў, у прыватнасці, для праектаў у сферы FinTech і па працы з персаналам. Пачаткоўцам на час адаптацыйнага перыяду абяцаюць ментара.

SoftClub

Кампанія, мяркуючы з інфармацыі на сайце, не шукае спецыялістаў у штат. У раздзеле «Вакансіі» — толькі праграма стажыроўкі, разлічаная на студэнтаў тэхнічнай адукацыі (з БДУ і БДУІР).

SoftClub набірае студэнтаў па напрамках: тэсціраванне, бізнэс-аналіз, распрацоўка софту. Працягласць стажыроўкі — 3 месяцы. Кампанія гарантуе, што за гэты час спецыяліст зможа ўзяць удзел у найбуйнейшых праектах і павучыцца ў вопытных спецыялістаў. Пры паспяховым праходжанні стажыроўкі кампанія гатовая прапанаваць працаўладкаванне.

«Кажуць, у гэты час рынак памірае». Тры гісторыі, як айцішнікі знайшлі працу перад святамі

Па тэме

«Кажуць, у гэты час рынак памірае». Тры гісторыі, як айцішнікі знайшлі працу перад святамі

Я тону! Как не запутаться в названиях вакансий? Рассказывает беларуска в Google

По теме

Я тону! Как не запутаться в названиях вакансий? Рассказывает беларуска в Google

У кожнай трэцяй аб’яве шукаюць сеньёра. Аналіз трэндаў ад стваральніка пашукавіка вакансій

Па тэме

У кожнай трэцяй аб’яве шукаюць сеньёра. Аналіз трэндаў ад стваральніка пашукавіка вакансій

Вакансіі ў РБ цяпер трэба публікаваць па-новаму. Правілы не вельмі ясныя, а сайт Банка вакансій глючны

Па тэме

Вакансіі ў РБ цяпер трэба публікаваць па-новаму. Правілы не вельмі ясныя, а сайт Банка вакансій глючны