OpenAI хоча стварыць свой браўзер

Асобна кампанія Сэма Альтмана абмяркоўвала развіццё пошукавых функцый з некалькімі распрацоўшчыкамі сайтаў і праграм, такімі як Conde Nast, Redfin, Eventbrite і Priceline. Крыніцы Тhe Information сцвярджаюць, што бачылі прататыпы падрыхтаваных OpenAI прадуктаў.

У такім выпадку кампанія стане яшчэ больш канкураваць з Google, якая займае львіную долю на рынках браўзераў і пашукавікоў. У OpenAI ужо ёсць свой пашукавік — SearchGPT.

Між тым у сферы АІ-чат-ботаў лідзіруе OpenAI. Яна першай выпусціла ChatGPT пры канцы 2022 года, Google не без праблем выкаціла Gemini летась.

Акрамя гэтага, OpenAI вяла перамовы аб тым, каб яе напрацоўкі ляглі ў аснову АІ-функцыяналу на прыладах Samsung — ключавога дзелавога партнёра Google. На іх ужо базуецца АІ-платформа Apple Intelligence.

Пры гэтым ад рэальнага запуску браўзера, паводле паведамлення The Information, OpenAI яшчэ вельмі далёкая.