«Дзе ест станцыя гуўна?» Як польская мова ставіць айцішнікаў у тупік

«Доўга праходзіў мяжу і хацеў папрасіць польскага памежніка дараваць і прапусціць нас. Прагучала гэта як „Niech Pan nas przeprosi i przepuści“ (Няхай пан у нас папросіць прабачэння і прапусціць нас)».

«Па прыездзе ў гатэль сказалі „Mamy broń“, таму што больш слоў мы на той момант не ведалі і думалі, як ужо мова вельмі падобная да беларускай і рускай, то і слоў агульных мае быць шмат. Позірк кансьержа трэба было бачыць, таму мы вырашылі перайсці на англійскую. Нашае шчасце, што ён нас правільна зразумеў, інакш прабавілі б адпачынак у іншым, менш утульным месцы» (mamy rezerwację — мы маем бронь, mamy broń — мы маем зброю). 

«Справа была, калі я толькі прыехаў у Польшчу. Хацеў спытацца ў гаспадароў кватэры, дзе можна паблізу купіць адсутную пасцельную бялізну, а яны толькі дзіўна на мяне глядзелі. Выявілася, што замест „nie mam pościeli“ я сказаў „nie mam bielizny“ (у мяне няма сподняй бялізны)».

«Калі вам тэлефануе кур’ер і кажа „Я пасылку прывёз, выходзьце“, ніколі не адказвайце яму „już spuskam się“ (я ўжо канчаю)».  

«Купляла торбу ў краме і папрасіла прадавачку адрэзаць цэтлік „Сzy Pani ma nozyczki? Proszę obciągnąć“. Я ніколі не бачыла, каб людзі так хутка чырванелі!» (odciąć — адрэзаць, obciągnąć — зрабіць мінет). 

«Я працавала ў рэанімацыі, дзе вельмі атмасферна гучалі крыкі доктара «Тлен, тлен!». «Tlen» на польскай — кісларод, але ў галаве была заўсёды фраза: «Ну што вы, доктар, можа, яшчэ выкараскаецца?».

Поўную версію моўнай масакры — глядзіце на Dzik Pic 

«Нядаўна ў нас пад домам адкрылася піцэрыя і я патэлефанаваў ім у дзень адкрыцця са словамі: «Проша заказаць піцэ». А мне ў адказ здзіўленае: «Jak to zakazać pizzy?Jak to?!» (zakazać — забараніць, zamówić — заказаць)

«Аднойчы была ў рэстарацыі, выйшла пакурыць на ганак з сябрамі. Там стаяла кампанія п’янаватых мужычкоў гэтак каля 40 гадоў. Я люблю пагаварыць з людзьмі пра тое пра сёе, i яны таксама не былі супраць. Карацей, пачалася паміж намі інтэракцыя. Я да іх звярнулася «Szanowne Państwo!», і тут пачаўся хай у мой бок: «Ты каго бабай абазвала?». Але гісторыя была з хэпі эндам: я хутка здагадалася, што затупіла з граматычнай формай, выправіла на «Szanowni Panowie» і адышла ад іх на пяць метраў».

«Узяла сабе за правіла заўсёды гаварыць з палякамі на польскай: як мінімум, гэта павага да краіны, у якой жывеш, як максімум — шанец калі-небудзь нармальна загаварыць. Але ўсе гэтыя «ę», «ą» і «ł» даюцца мне пакуль з вялікай цяжкасцю. Памятаю, аднойчы я спыталася, як прайсці да галоўнага вакзала: «Дзе ест станцыя гуўна?», а ў адказ хлопец стаў істэрычна рагатаць. Потым патлумачыў, што вакзал не такі ўжо і дрэнны». (główna — галоўная, gównа — гаўна). 

«Выкладчыцы па польскай неяк дапамог у асабістым пытанні, і яна сказала: «Дзякуй, буду вінная». А ёй у адказ: «Ушыстка добра, разбярэмся!». Яна афігела ад нахабства, пачуўшы гэтае «Rozbieram się!» (Я распранаюся).

«Ехаў з двума знаёмымі палякамі ў купэ, а з намі яшчэ незнаёмая бабуля з дзяўчынкай. Цягнік чамусьці не адпраўляўся, хоць меўся 10 хвілін таму ўжо ехаць (хто ведае пра польскія цягнікі — той зразумее). І я пытаюся: «Kiedy już w końcu będziemy ruchać się?». І тут усе на мяне пачалі глядзець. Выявілася, я спытаў: «Калі мы ўжо нарэшце будзем трахацца?» (ruchać się — трахацца, ruszać się — рушыцца).

Каб не трапляць у няёмкія сітуацыі і адчуваць сябе лепей, вучыце польскую мову:

— з папулярнай праграмай Modly

— або з рэпетытарам, іх багата ў Preply 

«Паглядзелі нядаўна з мужам Гары Потэра на польскай, шмат чаго цікавага дазналіся. Там Дзюбугай — гэта Хардадзёб, пацук Плюгаўчык — Паршывэк, Пажыральнікі смерці — Смерцяжэрцы, а яшчэ імя Гары вечна скланялі і атрымлівалася „Харэго Потэрэго“. А пад канец павесяліў бацька Лавэнды, які на пытанне пра тое, дзе ягоная дачка, крычаў „Яны яе парвалі! Парвалі!“. Думаем, які цікавы паварот! А потым загуглілі: porwali — гэта выкралі».

«Аднойчы я хацеў спытацца ў чат-бот клінікі, ці трэба здаваць кроў нашча. Забіў фразу ў перакладчык, потым скапіяваў польскі пераклад у месенджар: «Сzy analizują wszystkie krowy? Czy musisz wziąć zbyt dużo krwi na czczo, aby przeżyć?». Мне некалькі разоў напісалі, што пытанне незразумелае. Пераклаў назад і склаўся напалову ад смеху: «Скажыце, а ўсіх кароў аналізуюць? Ці трэба табе прымаць занадта шмат крыві нашча, каб выжыць?» (krowy — каровы, krwi — крыві, przeżyć — выжыць, przyjść — прыйсці).