Зміцер Гурскі даў інтэрв'ю Techcrunch. Выбралі цікавае

Flo Health прыцягнула $200 млн у раўндзе серыі C, дзякуючы чаму кошт кампаніі перавысіў $1 млрд, яна стала аднарогам. З гэтай нагоды Techcrunch узяў інтэрв’ю ў сузаснавальніка Flo Змітра Гурскага. Пераказваем цікавыя моманты.

Саму гісторыю стварэння стартапа выданне называе даволі цікавай. Зміцер Гурскі заснаваў Flo разам са сваім братам-блізнюком пасля шматгадовага вопыту з іншымі праграмамі для фітнэсу і здароўя. Браты — сярод таго мноства тэхнічных талентаў, якія пакінулі Беларусь праз геапалітычную смуту. 

Пра планы

У Flo няма ніякіх планаў наконт хардверу. У прыярытэце — інтэграцыя з Apple Watch, персаналізацыя вопыту карыстальнікаў у залежнасці ад узросту (дакладныя прагнозы цыкла, веды пра здароўе) і ўмацаванне прысутнасці ў розных рэгіёнах.

А яшчэ кампанія засяродзіцца на пашырэнні кліенцкай базы. З’явіцца функцыянал для жанчын у прэменапаўзе і менапаўзе (пра функцыянал для мужчын, «Flo for Partners», вы ўжо ведаеце).

Пра расследаванне FTC: высновы і наступствы для бізнэсу

Flo урэгулявала прэтэнзіі Федэральнай гандлёвай камісіі ЗША ў 2021 годзе. Важна, што пагадненне не азначае прызнання правапарушэнняў, мы проста вырашылі не марнаваць час і грошы на судовы разбор. Flo не прадавала даных кліентак.

У нас ёсць комплексная структура прыватнасці і бяспекі з надзейным наборам палітык і працэдур для абароны даных карыстальнікаў. Мы ганарымся тым, што з’яўляемся адзінай фемтэх-праграмай з падвойным сертыфікацыяй (ISO 27001 і ISO 27701).

Чым яшчэ ганарацца

Мы ганарымся тым, што сёння Flo абслугоўвае кожную чацвёртую жанчыну ў ЗША.

Пра манетызацыю

Падпіска застанецца асноўнай бізнэс-мадэллю. Стратэгія манетызацыі-гэта прэміяльныя падпіскі, кампраметаваць функцыянал бясплатнай версіі ніхто не збіраецца.

«У нас няма ніякіх планаў змяніць нашую бізнэс-мадэль, паколькі яна выявілася вельмі паспяховай», — Гурскі.

У розных рэгіёнах людзі па-рознаму схільныя да аплаты прэміяльнай падпіскі. Таму Flo дае бясплатны доступ да Flo Premium у 66 краінах, уключаючы Індыю, Інданезію і Нігерыю.

Пра беларускія карані

Гурскі ўжо даўно жыве і працуе ў Лондане.

Штаб-кватэра кампаніі ў Лондане, але ў Вільні — вялікі цэнтр распрацоўкі. Мы плануем інвеставаць у інжынерныя кадры ў абодвух рэгіёнах.

Пра Palta

Гурскі не ўдзельнічаў у Palta ад 2018 года, паколькі пачаўся хуткі рост Flo. Фактычна Palta Investment Company з’явілася пасля стварэння Flo Health.

«Я ўдзельнічаю ў пасяджэннях рады дырэктараў, а часам і даю парады, але ў астатнім мая ўвага на 100% прысвечаная Flo», — Гурскі.