OpenAI, Google і Anthropic сутыкнуліся са складанасцямі пры распрацоўцы магутнейшых АІ-мадэляў, якія маглі б палепшыць іх чат-ботаў ChatGPT, Gemini і Claude. Пра гэта піша Bloomberg са спасылкай на крыніцы ў кампаніях.
OpenAI, Google і Anthropic сутыкнуліся са складанасцямі пры распрацоўцы магутнейшых АІ-мадэляў, якія маглі б палепшыць іх чат-ботаў ChatGPT, Gemini і Claude. Пра гэта піша Bloomberg са спасылкай на крыніцы ў кампаніях.
Напрыклад, новая мадэль OpenAI пад назвай Orion не дасягнула мэтавай прадукцыйнасці і не стане такім жа прарывам у параўнанні з папярэдніцамі, якім была GPT-4 у параўнанні з GPT-3.5.
Будучая версія Gemini ад Google таксама не апраўдвае чаканняў распрацоўшчыкаў. Кампанія больш сканцэнтраваная на паляпшэнні цяперашніх магчымасцяў Gemini, чым на стварэнні новай рэвалюцыйнай мадэлі.
Anthropic адстае ад графіка выпуску доўгачаканай мадэлі Claude 3.5 Opus. Яна паказвае лепшыя вынікі, чым папярэдняя версія, але не настолькі, як чакалася, з улікам памеру мадэлі і выдаткаў на яе распрацоўку.
Ва ўсіх трох кампаній агульныя праблемы, галоўная з якіх — знясіленне крыніц даных, асабліва для спецыялізаваных сфер накшталт праграмавання. Распрацоўшчыкі АІ-мадэляў усё часцей ужываюць сінтэтычныя даныя, але такі падыход мае свае мінусы, паколькі кантэнт можна генераваць у любых колькасцях, але атрымаць унікальныя высакаякасныя наборы даных, асабліва тэксту, без дапамогі чалавека вельмі цяжка.
Павелічэнне выдаткаў на распрацоўку буйнейшых АІ-мадэляў не заўсёды прыносіць жаданы вынік, што ставіць пад сумнеў законы маштабавання, па якіх больш вылічальных магутнасцяў, даных і вялікія мадэлі павінны непазбежна прывесці да значнага ўдасканалення АІ.
Эксперты лічаць, што для далейшага прагрэсу кампаніям патрэбныя альтэрнатыўныя падыходы.
Рэлацыраваліся? Цяпер вы можаце каментаваць без верыфікацыі акаўнта.
Селф-хостинг для гита наше всё.
Ещё идеешкам коммерческим и прочим "ыи плагинам" надо бы доступ в сеть порезать.