Беларусь заняла 39 месца са 111 у найбуйнейшым сусветным рэйтынгу краін паводле ўзроўню валодання англійскай мовай EF English Proficiency Index за 2022 год. Летась нашая краіна была на 38 месцы са 112, пазалетась — на 40 са 100.
Беларусь заняла 39 месца са 111 у найбуйнейшым сусветным рэйтынгу краін паводле ўзроўню валодання англійскай мовай EF English Proficiency Index за 2022 год. Летась нашая краіна была на 38 месцы са 112, пазалетась — на 40 са 100.
Аўтары спісу падзяляюць краіны на пяць груп: з вельмі высокімі, высокімі, сярэднімі, нізкімі і вельмі нізкімі навыкамі англійскай. Беларусь па-ранейшаму ідзе ў сярэднім звяне з вынікам 533 балы (што на 5 больш, чым у 2021 годзе) пры сярэднесусветных 502. У Еўропе мы па-ранейшаму займаем 28 месца з 35.
У спісе гарадоў Мінск разам з Кіевам набраў 541 бал і размясціўся паміж Санкт-Пецярбургам і перуанскай Лімай. У сталіцы і Мінскай вобласці беларусы ведаюць англійскую лепш за ўсё.
Найлепшымі сярод краін і гарадоў застаюцца Нідэрланды і Амстэрдам — 661 і 673 балы адпаведна. У групу з вельмі высокімі ведамі англійскай паднялася Польшча, у другой групе застаюцца Эстонія, Літва і Латвія. Украіна размясцілася на 35-м радку, Расія — на 40-м.
Поўная версія даклада тут, картка Беларусі — там.
Рэлацыраваліся? Цяпер вы можаце каментаваць без верыфікацыі акаўнта.
Where is the USA?