Plain — гэта AI Design Agent ад беларусаў, які практычна адразу пасля стварэння трапіў у акселератар TechStars'24. Таксама ён быў адабраны ў праграму EBRD Star Venture ад Seedstars і не так даўно стаў пераможцам у Startup Grind Global Pitch Battle in Poland.
Plain — гэта AI Design Agent ад беларусаў, які практычна адразу пасля стварэння трапіў у акселератар TechStars'24. Таксама ён быў адабраны ў праграму EBRD Star Venture ад Seedstars і не так даўно стаў пераможцам у Startup Grind Global Pitch Battle in Poland.
Dzik Pic даведаўся ў адной з сузаснавальніц стартапа, Таісіі Муха, чым прадукт беларусаў прыцягнуў увагу ментараў.
Калі коратка, то гэта AI дызайн-агент для мэблевага бізнэсу, закліканы павысіць канверсію і скараціць час працы дызайнера.
Рашэнне інтэгруецца на сайт кампаніі і дапамагае канчатковым карыстальнікам з дызайн-рашэннямі: адказвае на пытанні, прапануе рэлевантныя тавары, генеруе дызайн-канцэпты і г. д. (хіба што замеры прыйдзецца зрабіць самастойна).
Сама кафаўндарка параўноўвае Plain з шопінг-асістэнтам у звычайнай краме, якая цяпер даступная і ў анлайне: «Як гэта будзе працаваць: вы заходзіце на сайт канкрэтнай кампаніі, дзе даступны AI-дызайнер у фармаце чата. Даяце яму ўступныя накшталт: „У мяне вялікая сям’я, два сабакі, сучасны інтэр’ер, белыя сцены, драўляная падлога. Ёсць такі бюджэт, і мне падабаецца вось гэтая карцінка з Pinterest“. І ён падкажа прыдатныя варыянты».
Першапачаткова стартап тэсціраваў тэхналогію з канчатковымі карыстальнікамі (B2C). Але, як кажа стваральніца, «бізнэсы выказалі вялікую цікавасць плаціць за такое рашэнне». Так што ў гэтым годзе Plain перайшоў на мадэль B2B і нават, паводле слоў Таісіі, ужо абзавёўся першым кліентам (яго назву пакуль трымаюць у сакрэце), а таксама letter of interest ад вялікага рытэйлера кухняў з UK.
Стартап стварылі беларусы Таісія Муха і Барыс Малайчык.
Як жартуе Таісія, яны абое яшчэ паспяваюць у «Forbes 30 Under 30»: яе кафаўндару толькі-толькі споўнілася 30, а яна сама яшчэ нават не дасягнула 30-гадовага ўзросту. Але пры гэтым у іх дастаткова вопыту.
Так, Таісія скончыла архітэктуру ў БНТУ; працавала ў сферы інтэр’ернага дызайну, у тым ліку ў вядомым ZROBIM architects, і заснавала ўласную фірму. Акрамя таго, некаторы час яна прапрацавала ў нямецкім крэатыўным лічбавым агенцтве — паводле яе слоў, уладкавалася ў найманне спецыяльна, каб зразумець, «як робяцца стартапы».
Яе калега, кафаўндар і CTO праекта Барыс — Lead Software Architect з профільнай адукацыяй (ён вучыўся ў Брэсцкім тэхналагічным універсітэце і Варшаўскай палітэхніцы) і прыхільнасцю да Data.
Будучыя кафаўндары былі знаёмыя яшчэ з часоў Беларусі (Таісія працавала тады разам з сябрам Барыса). Абое хацелі зрабіць свой стартап, але запусцілі першы агульны праект толькі ў снежні 2023-га, жывучы ў Берліне.
На той момант абое працавалі на фултайме. Але як толькі атрымалі першы пазітыўны фідбэк з нагоды карыснасці праекта, то адразу звольніліся і сталі займацца Plain увесь час.
Дзеля свайго стварэння беларусы нават пераехалі з Берліна ў Варшаву. «Здавалася б, Берлін — гэта такая сталіца стартапаў у Еўропе, там больш магчымасцяў і капіталу. Але калі паўстала пытанне рэгістрацыі кампаніі, мы зразумелі, што для нас самы лепшы варыянт з еўрапейскіх краін — гэта Польшча, — тлумачыць суразмоўца. — На той момант нас ужо прынялі ў TechStars, і калі паўстала пытанне аб рэгістрацыі кампаніі, некаторыя інвестары і людзі з індустрыі намякнулі, што лепш разгледзець нешта акрамя Германіі. Таму што Германія —гэта вельмі дорага, вельмі доўга і аддаеш палову інвестыцый на legal fees».
А вось у Варшаве стартаперы вельмі хутка зарэгістравалі spółka akcyjna (каб мець магчымасць атрымліваць інвестыцыі). Але, дзеля справядлівасці, дагэтуль чакаюць свой дазвол на жыхарства (🤷 ♂ ️).
У цэлым, кажа Таісія, пакуль што Варшавай яны задаволеныя. Тут Актыўны стартап-рух, шмат беларусаў, і на мерапрыемствах размаўляюць на англійскай.
«У першую чаргу, у акселератары ацанілі наш Founder Market Fit. Я — даменны эксперт і добра разумею сферу інтэр’ернага дызайну. Плюс у мяне быў вопыт фаўндарства, праўда, не стартапа, а звычайнай кампаніі, — расказвае Таісія. — А мой кафаўндар — тэхнічны талент. Ён вельмі хутка рос ва ўсіх кампаніях, скончыў на пазіцыі Lead Software Architect; працаваў у стартапах, у тым ліку і ў юнікорне. У яго ёсць вопыт як поспехаў, так і памылак, што якраз-такі вельмі каштоўна — таму што ты бачыш, як лепш паступіць і чаго не варта рабіць.
Атрымліваецца, што я магу закрыць дамен, а Барыс — тэхналогію. Таксама нам сказалі, што мы даволі пісьменна пачалі працу. То-бок стартапы часта будуюць складаную тэхналогію і затым спрабуюць яе прадаць. Але, па сутнасці, нашмат больш пісьменны падыход, калі ў цябе ёсць гіпотэза па рашэнні праблемы. Ты апытваеш людзей, атрымліваеш рэальную валідацыю праблемы, і толькі затым робіш прататып на каленцы.
У нас не было гатовай тэхналогіі на момант падачы заяўкі. Але, як нам сказалі, гэта наадварот, было правільна, так як «вы ўжо атрымалі шмат інфармацыі, ведаеце, што будаваць, і будзеце далей працягваць правільна ітэраваць»».
На гэтае пытанне Таісія адказвае сцвярджальна.
Паводле яе слоў, у іх была яшчэ адна прапанова, з іншай праграмы, але яны вырашылі не ісці туды праз сумніўныя водгукі. Але TechStars зусім іншая рэч. Ён уваходзіць у спіс топавых акселератараў, куды прымаюць менш за 1% заявак. Так што беларусы вырашылі рызыкнуць («хоць, вядома, даволі балюча аддаваць equity»).
У выніку яны не толькі атрымалі практычныя веды, прыцягнулі інвестыцыі (у праект уклаўся бізнэс-анёл Martin Olczyk), але яшчэ і пабудавалі каштоўную нэтворк-сетку.
«Я рэкамендую ўсім, асабліва беларусам, людзям з СНД-прасторы, падавацца ў TechStars, — кажа кафаўндарка. — Таму што першы час пасля пераезду ў цябе няма знаёмстваў, сувязяў, і вельмі складана прабіцца ў правільнае грамадства.
Але для нас TechStars адразу забяспечыў якасны нэтворк, дзякуючы чаму мы пазбеглі многіх памылак і дакладна сталі прасоўвацца хутчэй. Мы можам у любы момант папрасіць парады ў ментараў, так як філасофія TechStars — give first. Гэта сапраўды кам’юніці, якое дапамагае бязвыплатна.
Ну і, урэшце, лэйбл, што ты быў у TechStars, адчыняе перад табой шматлікія дзверы. Мы яшчэ ніводнаму інвестару не пісалі «ў халодную» самі. Яны бачаць, што ты быў у топавым акселератары, і ўжо больш да цябе прыхільныя.
То-бок так, я вучылася ў адзіным архітэктурным універсітэце ў сваёй краіне, працавала ў найлепшай беларускай архітэктурнай кампаніі, у мяне было сваё бюро. Але тут усіх гэтых імёнаў не чулі. А TechStars знаюць».
Таісія кажа, што асабіста ў яе не было сур’ёзных праблем накшталт «мне адмовілі ў працы праз тое, што я жанчына». Але гэта не значыць, што ўсё ідэальна: «Так як C-level у асноўным мужчыны, табе складаней трапіць у гэтае кам’юніці. Як кажуць фаўндары-мужчыны, угоды часта здзяйсняюцца або ў лазні, або на яхце. Але калі ты дзяўчына, гэта будзе выглядаць дзіўна, на жаль. Мужчынам прасцей дамовіцца паміж сабой.
Нас, жанчын, пакуль менш на кіроўных пазіцыях, і праз гэта складаней прабіцца, атрымаць кантракт або інвестыцыі. Але я бачу, што гэта мяняецца. Хай павольна, але ўсё ж. У цэлым, мы пачынаем з сябе, дзесьці дапамагаючы парадамі, а дзесьці — сувязямі».
Рэлацыраваліся? Цяпер вы можаце каментаваць без верыфікацыі акаўнта.