Ціханоўская папрасіла прэзідэнта Літвы і прэм’ер-міністра Латвіі змякчыць забарону на ўезд аўтамабіляў

19 ліпеня, Позірк. Зрабіць “шырокія выключэнні” ў забароне на ўезд аўтамабіляў з беларускімі нумарамі папрасіла Святлана Ціханоўская прэзідэнта Літвы Гітанаса Науседу і прэм’ер-міністра Латвіі Эвіку Сіліня падчас сустрэч на палях саміта Еўрапейскай палітычнай супольнасці ў Вялікабрытаніі 18 ліпеня.
Пра гэта паведаміў “Позірку” галоўны дарадца дэмакратычнага лідара Франак Вячорка.
Ціханоўская заклікала Літву “пашукаць магчымасці вырашэння гэтай сітуацыі”, выказала спадзеў на “змякчэнне або скасаванне абмежаванняў” для фізічных асоб.
У размове з Сіліня Ціханоўская “выказала заклапочанасць апошнімі рашэннямі балтыйскіх краін абмежаваць уезд аўтамабілям на беларускіх нумарах”, якое, на яе думку, “б’е найперш па беларусах, а не па рэжыме”.
“Мы разумеем, што гэтае абмежаванне ўведзена ў адпаведнасці з інструкцыямі ЕС, што абмежаванні ўведзеныя з прычын бяспекі і неабходнасці закрыць лазейкі ў санкцыях, але канкрэтна гэтае абмежаванне не вырашае ні той, ні іншай праблемы”, — адзначыла Ціханоўская пасля сустрэчы.
Тое ж пытанне Ціханоўская, паводле слоў яе дарадцы, узнімала на сустрэчах з прэм’ер-міністрам Польшчы Дональдам Тускам і міністрам замежных спраў краіны Радаславам Сікорскім, вярхоўным камісарам ЕС па знешняй палітыцы і палітыцы бяспекі Жазэпам Барэлем.
Гл. падрабязней па тэме:
Латвія з 16 ліпеня перастане ўпускаць аўтамабілі з беларускімі нумарамі
Літва перастане ўпускаць аўтамабілі з беларускімі нумарамі 18 ліпеня
Эстонія таксама забараняе ўезд у краіну аўтамабіляў з беларускімі нумарамі
- Палітыка
- Палітыка
- Грамадства, Палітыка
- Палітыка
- Палітыка
- Эканоміка
- Грамадства
- Эканоміка
- ЭканомікаБанкі за месяц павялічылі прыбытак амаль на 60% — даныя рэгулятара (падрабязна)Матэрыял даступны толькі падпісчыкам ПОЗІРК+
- Грамадства
- Грамадства, Палітыка
- Палітыка, Эканоміка
- Эканоміка
- ЭканомікаПратэрмінаваная запазычанасць юрыдычных асоб па крэдытах за год вырасла ў 7,1 разаМатэрыял даступны толькі падпісчыкам ПОЗІРК+
- Палітыка
- Грамадства
- ЭканомікаПратэрмінаваная запазычанасць прыватнага сектара па крэдытах за год вырасла ў 6,3 разаМатэрыял даступны толькі падпісчыкам ПОЗІРК+
- Грамадства, Эканоміка
- Грамадства, ЭканомікаЗапазычанасць фізічных асоб па спажывецкіх крэдытах за год вырасла на 37,8% (падрабязна)Матэрыял даступны толькі падпісчыкам ПОЗІРК+
- Грамадства