9 красавіка, BPN. Прэзідэнт ЗША Джо Байдэн 8 красавіка падпісаў закон аб “прыпыненні нармальных гандлёвых адносін з Расіяй і Беларуссю” (свабоднага гандлю).
Напярэдадні дакумент зацвердзіў амерыканскі парламент — на пасяджэннях адпаведных палат яго падтрымалі ўсе 100 членаў Сената і 420 членаў Палаты прадстаўнікоў (супраць выказаліся трое).
Паводле звестак беларускага МЗС, тавараабарот Беларусі і ЗША ў 2020 годзе склаў 734 млн 349,8 тыс. долараў (экспарт — 199 млн. 207,7 тыс., імпарт — 535 млн. 142,1 тыс.).
Згодна са звесткамі Інстытута эканомікі НАН, ЗША выйшлі на восьмае месца сярод усіх гандлёвых партнёраў Беларусі па выніках сямі месяцаў 2021 года.
Як паведамлялася, 24 лютага Расія пачала вайну супраць Украіны. Улады ў Мінску адмаўляюць удзел беларускай арміі ў баявых дзеяннях на баку РФ, у той жа час беларуская тэрыторыя выкарыстоўваецца расійскім войскам для нанясення ўдараў па Украіне. Акрамя таго, узятыя ў палон расійскія салдаты прызналі ўварванне ва Украіну з Беларусі.
У сувязі з ваеннай агрэсіяй дэмакратычныя краіны ўвялі ў дачыненні да Расіі беспрэцэдэнтныя санкцыі, у дачыненні да Беларусі, кіраўніцтва якой лічаць саўдзельнікам Масквы, прыняты меншыя, але ўсё роўна істотныя абмежавальныя меры.
Аўтарызавацца
Забыліся пароль?
Выхад з профілю
