Мінск 12:47

68-гадовая аўтамабілістка затрыманая нецвярозай за стырном у Вілейскім раёне

18 лістапада, Позірк. Пра затрыманне ў Вілейскім раёне 68-гадовай мясцовай жыхаркі, якая кіравала аўтамабілем у стане алкагольнага ап’янення, паведаміла УДАІ УУС Мінскага аблвыканкама.

Адзначаецца, што ўвагу інспектараў прыцягнуў легкавы аўтамабіль Ford, які ехаў у цёмны час сутак без уключанага блізкага святла фар.

Падчас размовы з жанчынай супрацоўнікі ДАІ заўважылі прыкметы ўжывання ёю алкаголю. Агляд паказаў 0,96 праміле алкаголю ў крыві (лёгкая ступень ап’янення).

Жанчына адхіленая ад кіравання транспартам, аўтамабіль змешчаны на ахоўную стаянку. У дачыненні да пенсіянеркі складзены “адміністрацыйны матэрыял паводле ч. 2 арт. 18.15 КаАП (кіраванне транспартным сродкам асобай, якая знаходзіцца ў стане ап’янення, перадача кіравання транспартным сродкам такой асобе альбо адмова ад праходжання праверкі (агляду))”. 

Падзяліцца: