Вольна наведваць лясы дазволена толькі крыху больш чым у траціне раёнаў Беларусі

18 траўня, Позірк. Наведваць лясы без якіх бы там ні было ўмоў дазволена толькі ў 44 са 118 раёнаў Беларусі (37,3%), сведчыць інтэрактыўная мапа на сайце Міністэрства лясной гаспадаркі.

У Магілёўскай вобласці можна вольна хадзіць у лясы ў 16 з 21 раёна (Бялыніцкі, Быхаўскі, Горацкі, Дрыбінскі, Клімавіцкі, Касцюковіцкі, Краснапольскі, Крычаўскі, Круглянскі, Магілёўскі, Мсціслаўскі, Слаўгарадскі, Хоцімскі, Чавускі, Чэрыкаўскі, Шклоўскі).

Няма ніякіх перашкодаў для наведвання лясоў у 12 з 21 раёна Віцебскай вобласці (Бешанковіцкі, Віцебскі, Гарадоцкі, Дубровенскі, Лёзненскі, Аршанскі, Полацкі, Пастаўскі, Расонскі, Сенненскі, Талачынскі, Шумілінскі).

У Гродзенскай вобласці вольна наведваць лясы можна 8 з 17 раёнаў (Бераставіцкі, Ваўкавыскі, Воранаўскі, Лідскі, Астравецкі, Ашмянскі, Свіслацкі, Смаргонскі), Брэсцкай — у 7 з 16 (Бярозаўскі, Брэсцкі, Драгічынскі, Івацэвіцкі, Камянецкі, Маларыцкі, Пружанскі), Мінскай — у 1 з 22 (Мядзельскі).

У астатніх 74 раёнах, у тым ліку ўсіх раёнах Гомельскай вобласці (21), дзейнічаюць абмежаванні, пры якіх у лясы нельга заязджаць на аўтамабілі і разводзіць там вогнішчы, але даступныя шпацыры ды збор ягад і грыбоў.