Колькасць выяўленых падробленых грошай зменшылася амаль на 30%

1 красавіка, Позірк. У 2025 годзе ў Беларусі было выяўлена 567 падробленых грашовых знакаў (561 банкнота і 6 манет) — на 28,7% менш, чым за 2024-ы (795), паведамляе прэс-служба Нацыянальнага банка.

Сярод выяўленых падробак больш за ўсё (87,1%) долараў ЗША — 494 адзінкі (годам раней — 661). Фальшывых расійскіх рублёў знойдзена 28 адзінкі (72), еўра — 37 (54), беларускіх рублёў — 6 (7).

Паводле інфармацыі рэгулятара, у Мінску выяўлена 59,6% усіх падробленых грашовых знакаў. Агулам падробкі былі канфіскаваныя з грашовага звароту ў 44 населеных пунктах.

“Ацэнка выкарыстаных спосабаў перадачы малюнкаў падробленых банкнот сведчыць аб тым, што з выкарыстаннем паліграфічных тэхналогій выраблена больш за 89% падробленых долараў (у асноўным плоскі друк, а таксама глыбокі друк), 51% падробленых еўра (усе плоскі друк)“, — падкрэсліў Нацбанк. Адзначаецца, што для перадачы малюнкаў астатніх падробленых банкнот выкарыстаныя тэхналогіі рэпраграфіі — друкаркавыя прылады (у асноўным струйны друк, а таксама электрафатаграфія для долараў і еўра, струйны друк для расійскіх і беларускіх рублёў, электрафатаграфія для злотых і фунтаў стэрлінгаў).